نئی دہلی: (دنیا نیوز) بھارت میں کورونا کی خوفناک صورتحال کے بعد پاکستانیوں کے ہمدردانہ پیغامات سے بالی وڈ اداکارہ سوارا بھاسکر بھی متاثر ہوگئیں۔ پاکستانیوں کا شکریہ ادا کرتے ہوئے بڑے دل کا پڑوسی قرار دیدیا۔
خیال رہے کہ اس سے قبل بھارتی اداکارہ کنگنا رناوت بھی پاکستان کے ہمدردانہ رویے پر خوشی کا اظہار کرچکی ہیں۔
سماجی رابطے کی ویب سائٹ ٹویٹر پر بالی ووڈ اداکارہ سوارا بھاسکر نے پاکستانیوں کا شکریہ ادا کیا۔
Heartening to see Pakistani civil society & social media reach out in solidarity & kindness to India, during this devastating time.. this despite the fact that our media & mainstream public discourse have consistently mocked & vilified Pakistanis.. Thank u 4 ur bada dil Padosi
— Swara Bhasker (@ReallySwara) April 24, 2021
اداکارہ نے اپنی ٹوئٹ میں لکھا کہ اس تباہ کن صورتحال کے دوران پاکستان کی سول سوسائٹی اور سوشل میڈیا کا بھارت کے ساتھ اظہار یکجہتی اور ہمدردانہ رویہ حوصلہ افزا ہے۔
یہ بھی پڑھیں: کورونا کی ابتر صورتحال، کنگنا رناوت پاکستانیوں کی ہمدردی کی معترف
اداکارہ نے بھارت کے پاکستان مخالف پروپیگنڈے کا اعتراف کرتے ہوئے ٹوئٹ میں مزید لکھا کہ اس حقیقت کے باوجود کہ ہمارے میڈیا اور مرکزی دھارے میں جاری عوامی گفتگو نے مستقل طور پر پاکستانیوں کا مذاق اڑایا اور انہیں بدنام کیا ہے۔
سوارا بھاسکر نے پاکستانیوں کا شکریہ ادا کرتے ہوئے انہیں بڑے دل کا پڑوسی قرار دیا۔
