ممبئی: (ویب ڈیسک) بھارت میں حالیہ عرصے کے دوران کورونا وائرس نے بالی ووڈ کی متعدد شخصیات کی جان لی ہے، اس وباء سے متعدد افراد نبرد آزماد ہیں اسی حوالے سے ایک اور خبر بھارت سے آئی ہے جہاں پر مقامی اڈیہ زبان کی معروف گلوکارہ تاپو مشرا کورونا سے چل بسیں۔
بھارتی میڈیا رپورٹس کے مطابق 36 سالہ گلوکارہ میں کورونا کی تشخیص ہوئی تھی جس کے بعد سے وہ بھارتی شہر بھوبنیشور کے مقامی ہسپتال میں زیر علاج تھیں۔
دو روز قبل گلوکارہ کی طبیعت بگڑنے پر انہیں وینٹی لیٹر پر منتقل کیا گیا تھا تاہم آج وہ چل بسیں۔
