تازہ ترین
  • بریکنگ :- مسلم لیگ(ن)کےمرکزی جنرل سیکرٹری احسن اقبال کاتقریب سےخطاب
  • بریکنگ :- نوازشریف نےکراچی کوایک بارپھرروشنیوں کاشہربنایا،احسن اقبال
  • بریکنگ :- نوازشریف نےکراچی کےعوام کوخوف سےنجات دلائی،احسن اقبال
  • بریکنگ :- کراچی:نوازشریف نےملک سےلوڈشیڈنگ کاخاتمہ کیا،احسن اقبال

بالی وڈ زہریلی جگہ، پیار، خلوص کا وجود نہیں: کنگنا رناوت

Published On 08 September,2021 09:55 am

ممبئی: (روزنامہ دنیا) بالی وڈ اداکارہ کنگنا رناوت نے کہا ہے کہ بالی وڈ ایک انتہائی زہریلی جگہ ہے جہاں ایک دوسرے کیلئے پیار اور خلوص کا کوئی وجود نہیں ہے۔

میڈیا رپورٹ کے مطابق اپنے حالیہ انٹرویو میں کنگنا نے بالی وڈ کے حوالے سے اظہار خیال کرتے ہوئے کہا کہ بھارتی فلم نگری زہریلی جگہ ہے اور یہاں پیار و ہمدردی نام کی کسی شے کا کوئی وجود نہیں ہے ۔کنگنا رناوت نے کہا کہ یہاں ہر کوئی ہر ایک دوسرے کو نیچا دکھانا چاہتا ہے ، کوئی کسی کی کامیابی سے خوش نہیں ہوتا۔

ایک سوال کے جواب میں اداکارہ نے کہا کہ بالی وڈ ایک ایسی فلم انڈسٹری ہے جہاں پیار، ہمدردی، دوستی، تعاون اور احساس کا وجود ہی نہیں ہے تو آپ خود اندازہ کرسکتے ہیں کہ یہ کیسی جگہ ہوگی۔واضح رہے کہ کنگنا آئے روز اپنے متنازعہ بیانات کے باعث خبروں کی زینت بنتی رہتی ہیں۔