ممبئی: (ویب ڈیسک) سدھارتھ آنند کی ہدایت کاری میں بننے والی فلم کے صرف پہلے دن کیلئے چار لاکھ سے زائد ٹکٹ فروخت ہوگئے۔
شاہ رخ خان کی نئی فلم نے تمام تر بائیکاٹ مہم اور تنازعات کے باوجود مداحوں کو مایوس نہیں کیا اور فلم کی ریلیز سے قبل ہی 500 ملین انڈین روپے کے ٹکٹ پیشگی فروخت ہوچکے ہیں۔
بھارتی میڈیا ذرائع کے مطابق فلم کے پہلے دن کیلئے 230 ملین روپے، دوسرے دن کیلئے 130 ملین روپے اور اگلے دنوں کیلئے 140 ملین انڈین روپے کے ٹکٹ فروخت ہوچکے ہیں۔
یہ بھی پڑھیں: پٹھان کو پروموشن مہم کی ضرورت نہیں، سدھارتھ آنند
’پٹھان‘ کو پوری دنیا کے 100 سے زائد ممالک میں ریلیز کیا جائے گا اور اس فلم کے ساتھ کنگ خان کی چار برس بعد بڑے پردے پر واپسی ہوگی۔
شاہ رخ اور دیپیکا پڈوکون کی فلم نے ایڈوانس بکنگ پر ہریتھیک روشن اور ٹائیگر شیروف کی فلم ’وار‘ کا ریکارڈ توڑ دیا ہے جو 2019 کو ریلیز ہوئی تھی۔
