نیویارک: (ویب ڈیسک) مشہور ہالی ووڈ فلم سیزیز ’ٹوائیلائٹ‘ جلد ٹی وی سیریز کی صورت میں پیش کی جائے گی۔
غیر ملکی میڈیا رپورٹس کے مطابق ہالی ووڈ رپورٹر کے ذرائع کا کہنا ہے کہ لائنز گیٹ ٹیلی ویژن اس وقت ٹی وی کے لیے دی ٹوائیلائٹ ساگا بطور ٹی وی سیریز تیار کرنے کے ابتدائی مراحل میں ہے۔
اس سیریز کی کہانی ویمپائرز اور ان کا شکار کرنے والے بھیڑیوں کے درمیان محبت اور جنگ کے گرد گھومتی ہے جس کو شائقین کی جانب سے بے حد پسند کیا گیا تھا۔
اس کتابی مجموعے کو پہلے فلم سیریز میں نشر کرنے کے بعد اب ٹیلی ویژن سیریز میں پیش کرنے کیلئے اس کے مصنف اسٹیفنی میئر کی خدمات لی جارہی ہیں۔
ٹوائیلاٹ کے مداح بے صبری سے اپنی پسندیدہ سیریز کو ٹی وی سکرین پر دیکھنے کا انتظار کر رہے ہیں تاہم لائنز گیٹ ٹیلی ویژن نے اس حوالے سے باضابطہ کوئی اعلان نہیں کیا ہے۔
