ممبئی: (ویب ڈیسک) بالی وڈ کی مشہور اداکارہ سنی لیون اور معروف گلوکار و موسیقار ہیمیش ریشمیا نے نیا گانا ‘تندوری ڈیز’ ریلیز کر دیا ہے۔
یہ گانا دھماکے دار بیٹس، شاندار لوکیشنز اور منفرد میوزک فیوژن کے ساتھ پارٹی ہٹ بننے جا رہا ہے، ’’تندوری ڈیز‘‘ میں ہیمیش کے منفرد میوزک اور سنی لیون کے دلکش انداز کا زبردست امتزاج دیکھنے کو ملا ہے، دونوں کی سکرین پر شاندار کیمسٹری نے گانے میں اضافی رنگ بھر دیئے ہیں جس کی وجہ سے یہ ریلیز ہوتے ہی وائرل ہو گیا۔
گانا جدید اور دیسی انداز کا حسین امتزاج ہے، جسے پارٹی اینتھم قرار دیا جا رہا ہے، پاور پیکڈ بیٹس، شاندار کوریوگرافی اور دیدہ زیب ویژولز نے اس گانے کو سال 2025ء کا بڑا میوزک ہٹ بنانے کے امکانات روشن کر دیئے ہیں۔
