ممبئی: (ویب ڈیسک) بالی ووڈ اداکارہ جیکولین فرنینڈس کو ویلنٹائن ڈے کے موقع پر 112 کروڑ روپے کا تحفہ مل گیا۔
بھارتی میڈیا کے مطابق کروڑوں روپے کے فراڈ کیس میں گرفتار سوکیش چندر شیکھر نے اپنی دوست جیکولین فرنینڈس کو ایک پرائیویٹ جیٹ تحفے میں دیا ہے، سوکیش چندر شیکھر نے جیل سے بھیجے گئے ایک رومانوی خط میں اس تحفے کا انکشاف کیا۔
سوکیش چندر شیکھر نے خط میں بتایا کہ یہ گلف سٹریم جیٹ جیکولین کے لئے ہے جس کا رجسٹریشن نمبر اداکارہ کی تاریخ پیدائش اور مہینے پر مبنی ہے، انہوں نے مزید لکھا کہ یہ تحفہ اس لئے دیا گیا ہے تاکہ جیکولین اپنے کام کے سلسلے میں دنیا بھر کا باا ٓسانی سفر کرسکیں۔
میڈیا رپورٹ میں مزید بتایا گیا کہ سوکیش نے خط میں یقین دہانی کرائی کہ اس تحفے سے جیکولین کو کسی قانونی مسئلے کا سامنا نہیں کرنا پڑے گا کیونکہ یہ جیٹ جرم کی کمائی سے نہیں خریدا گیا۔
انہوں نے بتایا کہ وہ اس جیٹ کو اپنے ٹیکس ریٹرن میں ظاہر کر رہے ہیں اور گفٹ ٹیکس بھی ادا کریں گے، یاد رہے کہ سوکیش چندر شیکھر مالی فراڈ کے الزام میں کئی برس سے جیل میں قید ہیں۔
