لاہور: (دنیا نیوز) اداکار اور دنیا نیوز کے سپرہٹ مزاحیہ پروگرام ’’مذاق رات‘‘ کے میزبان عمران اشرف نے رمضان المبارک کے بابرکت مہینے میں بیٹے کے ہمراہ عمرے کی سعادت حاصل کرلی۔
عمران اشرف نے بابرکت لمحات کی تصاویر اپنی انسٹاگرام اکاؤنٹ پر شیئر کیں، انہوں نے کیپشن میں لکھا کہ ’’ بلاوا آیا ہے‘‘۔
تصاویر میں دیکھا جا سکتا ہے کہ عمران اشرف اپنے بیٹے روحان اشرف کے ہمراہ مسجد نبویؐ کے صحن میں کھڑے ہیں اور عقب میں گنبد خضریٰ نظر آرہا ہے، تاہم ان تصاویر میں بیٹے روحان اشرف کا چہرہ نہیں دکھایا گیا کیوں کہ وہ بیٹے کو منظر عام پر لانے سے گریز کرتے ہیں۔
اداکار اور میزبان عمران اشراف نے جو تصاویر شیئر کی ہیں ان میں مومن ثاقب اور وقار ذکاء بھی ان کے ساتھ موجود ہیں۔
