ریاض: (ویب ڈیسک) پاکستان مخالف مواد دکھائے جانے پر بھارتی فلم 'دھریندر‘ کو 6 خلیجی ممالک میں نمائش سے روک دیا گیا۔
خبر ایجنسی کے مطابق سعودی عرب، متحدہ عرب امارات، قطر، کویت، بحرین اور عمان میں فلم دھریندر کی نمائش پر پابندی لگائی گئی ہے،خلیجی ممالک نے فلم میں پاکستان کے خلاف تعصب پر مبنی مواد پیش کرنے پر اعتراض اٹھایا۔
رپورٹ کے مطابق فلم کی خلیجی ممالک میں ریلیز کیلئے درخواست کی گئی لیکن اسے مسترد کر دیا گیا اور فلم کو کسی بھی خلیجی ملک میں ریلیز ہونے سے روک دیا گیا۔
یاد رہے کہ یہ پہلا موقع نہیں ہے جب بھارتی فلموں کو مشرق وسطیٰ میں اس طرح کی پابندیوں کا سامنا ہوا ہے، اس سے قبل بھی کئی بھارتی فلموں پر اسی طرح پابندی عائد کی جا چکی ہیں۔
