تازہ ترین
  • بریکنگ :- سیکیورٹی فورسزکاہرنائی میں دہشتگردوں کی موجودگی کی اطلاع پرآپریشن
  • بریکنگ :- فائرنگ کےتبادلےمیں 6 دہشت گردہلاک،آئی ایس پی آر
  • بریکنگ :- ہلاک دہشتگردوں میں کالعدم بی ایل اے کاکمانڈرطارق عرف ناصر شامل
  • بریکنگ :- امن وامان خراب کرنےکی کسی کواجازت نہیں دی جائےگی،آئی ایس پی آر

تعلیمی ادارے 30 ستمبر تک بند ہونے کی خبریں جعلی قرار

Published On 07 September,2021 05:36 pm

لاہور: (ویب ڈیسک) سوشل میڈیا پر تعلیمی ادارے 30 ستمبر تک بند کرنے کی جعلی خبریں شیئر کی جانے لگیں۔

نیشنل کمانڈ اینڈ آپریشنزسنٹر (این سی او سی) کی طرف سے سماجی رابطے کی ویب سائٹ ٹویٹر پر جاری کردہ بیان کے مطابق سوشل میڈیا پر تعلیمی اداروں کی 6 سے 30 ستمبر تک بندش کی جعلی خبریں پھیلائی جا رہی ہیں۔ این سی او سی نے اس طرح کا کوئی فیصلہ نہیں کیا۔

این سی او سی نے ٹویٹر پر استدعا کرتے ہوئے کہا کہ اس طرح کی افواہوں سے گریز کریں۔

یاد رہے کہ کورونا کی بگڑتی صورتحال،سکولوں کے بعد کالجز اور یونیورسٹیز 12 ستمبر تک بند کر دیئے گئے تھے۔

کورونا کی بگڑتی صورتحال کے پیش نظر این سی او سی اور حکومتی ہدایات پر سکولوں کے بعد کالجز اور یونیورسٹیاں بھی بند کرنے کا اعلان کیا گیا تھا۔ کورونا تعطیلات کے حوالے سے محکمہ ہائر ایجوکیشن نے لاہور سمیت 15 اضلاع میں کالجز بند کرنے کا نوٹیفکیشن جاری کردیا۔

نوٹیفیکیشن کے مطابق 15 اضلاع میں قائم تمام پبلک اور پرائیویٹ سیکٹر کالجز اور یونیورسٹیز 12 ستمبر تک بند رہیں گی۔ چھٹیوں کا اثر نویں جماعت کے امتحانات پر نہیں ہوگا، نویں جماعت کے امتحانات شیڈول کے مطابق ہونگے۔