سماجی رابطہ کی ویب سائیٹ ٹوئٹر پر ٹویٹ میں مشیرخزانہ کے ترجمان مزمل اسلم نے لکھا کہ فیک نیوز موجودہ حکومت کے لیے سب سے بڑا چیلنج ہے۔

As we all know the ‘fake news’ is the biggest challenge to this government. There is fake news circulating related to ‘Adviser to Finance’ meeting with Chinese Economist comments in Joint session. This is absolutely rubbish social media message no such interaction took place

— Muzzammil Aslam (@MuzzammilAslam3) November 27, 2021

انہوں نے کہاکہ مشیرخزانہ کی مشترکہ اجلاس میں چینی ماہر معاشیات کے ساتھ ملاقات اورگفتگو سے متعلق فیک نیوز گردش کر رہی ہیں جو سوشل میڈیا پرچلنے والے ایک فضول پیغام کے علاوہ کچھ نہیں ہے، مشیرخزانہ کی چینی ماہرمعاشیات سے اس طرح کی کوئی ملاقات یا بات چیت نہیں ہوئی ہے۔

ترجمان نے کہاکہ اس فیک نیوز کا مقصد مایوسی پھیلانا ہے۔ وزیراعظم کے مشیر خزانہ شوکت ترین نے اس فیک نیوز کا سخت نوٹس لیتے ہوئے ایف آئی اے میں شکایت درج کرنے ، فیک نیوز کے ذرائع کی نشاندہی اور ذمہ داران کے خلاف قانون کے مطابق سخت کارروائی کا فیصلہ کیاہے۔

مزمل اسلم نے کہاکہ اس طرح کی فیک نیوزملک میں براہ راست غیرملکی سرمای کاری میں رخنہ ڈالنے کی منظم مہم کا حصہ ہے۔