ممبئی: (ویب ڈیسک) بالی ووڈ اداکارہ پریتی زنٹا نے اداکار عامر خان کے ساتھ خفیہ شادی کی خبروں کو افواہ قرار دیدیا۔
غیر ملکی میڈیا کے مطابق اداکارہ پریتی زنٹا اور عامر خان کی خفیہ شادی کی خبریں پہلے بھی سنی جا چکی ہیں، 2001ء میں جب پریتی فلم ’دِل چاہتا ہے‘ میں مسٹر پرفیکشنٹ کی ہیروئن بنی تھیں۔ فلم میں دونوں کی کیمسٹری کو ناظرین کی جانب سے بہت سراہا گیا تھا۔
بالی ووڈ میں اداکاروں کی ذاتی زندگی یا پبلک زندگی سے متعلق اُڑتی افواہیں کوئی نئی بات نہیں ہے۔ اس کا سلسلہ بالی وُڈ کی تاریخ سے جُڑا ہے۔ ایسی ہی ایک خبر نے لوگوں کو شاک میں ڈال دیا تھا جب عامر خان اور رینا دت کی 2002 میں طلاق ہوئی اور خبر آئی کہ پریتی زنٹا اور عامر خان نے خفیہ شادی کرلی ہے۔ یہ خبر جنگل کی آگ کی طرح پھیل گئی تھی۔
اس دوران Rendezvous With Simi Garewal شو میں پریتی زنٹا کو مدعو کیا گیا جہاں انہوں نے ایسی افواہوں کو غلط قرار دیتے ہوئے بتایا کہ مجھے یہ سُن کر شاک لگا تھا۔
انہوں نے بتایا کہ اصل میں بات یہ ہے کہ جب عامر خان کی طلاق ہوئی اُس وقت میں ہی ان کے سہارے کیلئے سب سے زیادہ قریب تھی کیونکہ حال ہی میں ہم نے ’دل چاہتا ہے‘ میں کام کیا تھا۔ یہ ہونا تھا اور میں مسز عامر کہلائی جانے لگی، میں جہاں جاتی تھی مجھے بتانا پڑتا تھا کہ ہم نے شادی نہیں کی۔ عامر مجھے اپنی چھوٹی بہن سمجھتے ہیں۔ وہ مجھے یاکو کے نام سے بلاتے ہیں۔ جب یہ افواہیں گردش کررہی تھیں تو انہوں نے ہی مجھے دلاسا دیا۔
