ممبئی: (ویب ڈیسک) ممبئی پولیس نے بھارتی اداکارہ و ماڈل عرفی جاوید کی گرفتاری کی ویڈیو کو جعلی قرار دے دیا۔
سوشل میڈیا پر ایک ویڈیو چند روز سے وائرل تھی جس میں نازیبا لباس پہننے پر پولیس کے لباس میں دو خواتین عرفی جاوید کو گرفتار کر کے وین میں بٹھا کر لے جاتی ہیں۔
پولیس نے سماجی رابطے کی ویب سائٹ پر وضاحت کرتے ہوئے ویڈیو کو جعلی قرار دیا اور پولیس کو بدنام کرنے والوں کیخلاف ایف آئی آر درج کرنے کا اعلان کیا ہے۔
— मुंबई पोलीस - Mumbai Police (@MumbaiPolice) November 3, 2023
ممبئی پولیس کے مطابق وائرل ویڈیو میں شامل خواتین کا تعلق پولیس سے نہیں ہے اور ان کے خلاف کریمنل کیس بنایا جا رہا ہے، جعلی پولیس افسران کو گرفتار کر لیا گیا ہے جبکہ واقعہ میں استعمال ہونے والی وین بھی بر آمد کر لی گئی ہے۔
