بیونس آئرس: (ویب ڈیسک) ارجنٹائن کے سٹار فٹبالر لیونل میسی اور انکی اہلیہ کے درمیان طلاق کی خبروں کی تردید سامنے آگئی۔
ارجنٹائن کے صحافی گونزالو واسکیز نے انکشاف کیا تھا کہ انٹر میلان اسٹار اور ورلڈ پلیئر آف دی ایئر کے حالیہ ایوارڈ یافتہ لیونل میسی کو اپنی اہلیہ انتونیلا روکوزو کے ساتھ حقیقی بحران کا سامنا ہے جس سے ان کے تعلقات کو خطرہ ہے اور ان کے درمیان طلاق کا خطرہ ہے۔
سابق ہسپانوی کھلاڑی سیسک فیبریگاس کی اہلیہ ڈینییلا سیمان نے ان خبروں کی تردید کی جو لیونل میسی اور ان کی اہلیہ انتونیلا روکوزو کے درمیان بحران کے بارے میں بتائی گئی تھیں۔
میسی خاندان کے ساتھ شاندار تعلقات رکھنے والی ڈینیلا سیمان نے اس خبر پر زور دیتے ہوئے کہا کہ یہ خبر درست نہیں ہے اور انسٹاگرام ایپلی کیشن کے ذریعے ایک ردعمل میں کہا کہ ہر وہ چیز جو شائع ہوتی ہے اس کا مطلب نہیں ہوتا کہ وہ درست ہے۔ یاد رہے کہ میسی نے انتونیلا سے 2017 میں شادی کی۔
