کراچی : (دنیا نیوز) بیرون ملک سے کراچی پہنچنے والے 3مزید مسافروں میں کورونا کے نئے ویرینٹ ’جے این ون‘ کی تصدیق ہوئی ہے۔
ترجمان وزارت صحت کے مطابق قمبر شہداد کوٹ کا رہائشی 21 سالہ مسافر اور مہمند ایجنسی کا رہائشی 22 سالہ مسافر جدہ سے جبکہ 22 سالہ شمالی وزیرستان کا رہائشی ابوظبی سےکراچی پہنچا تھا۔
متاثرہ مسافروں کو کوویڈ 19 کی ممکنہ علامات کے پیش نظر ٹیسٹ کیا گیا تھا۔
کراچی میں بھی جے این ون ویرینٹ کے پانچ کیس سامنے آگئے، پانچوں کیسز کے نتائج کراچی کے نجی ہسپتال کی لیبارٹری نے جاری کیے ہیں ، اب تک سندھ میں مقامی سطح پر جے این ون کے پانچ جبکہ دو کیسز بیرون ملک سے آئے ہیں۔
جے این ون ویرینٹ سے متعلق محکمہ صحت الرٹ ہے ، سندھ کے تمام ڈی ایچ اوز، ٹی ایچ کیوز اور ہسپتالوں میں ہدایات جاری کی جاچکی ہیں۔
طبی ماہرین کے مطابق کوویڈ19 کا نیا ویرینٹ جے این ون، گزشتہ کوویڈ 19 کے جیسا طاقتور نہیں ہے۔
