کیچ :(ویب ڈیسک ) بلوچستان کے ضلع کیچ میں ڈینگی کے پھیلاؤ میں اضافہ سے 24 گھنٹوں کے دوران 77 نئے کیسز رپورٹ ہوئے ہیں۔
صوبائی محکمہ صحت کے مطابق کیچ میں رواں سال ڈینگی کے 400 سے زائد کیسز رجسٹرڈ ہوچکے ہیں۔
محکمہ صحت کا کہنا ہے کہ کیچ میں ڈینگی کے زیادہ کیسز مارچ اور رواں ماہ رپورٹ ہوئے، ڈینگی وائرس سے کیچ کے علاقے آبسر اور جوسک سب سے زیادہ متاثر ہیں۔
محکمہ صحت نے بتایاکہ کیچ میں ڈینگی کا مچھر گھروں میں پانی کی ٹینکیوں میں موجود لاروا سے پھیل رہا ہے، ڈینگی کی صورتحال کے پیش نظر ٹیچنگ ہسپتال تربت میں ڈینگی وارڈ قائم کر دیا گیا ہے۔
ڈی ایچ او کیچ ڈاکٹر ابوبکر نے اس حوالے سے بتایا کہ کیچ میں ڈینگی کے تدارک کےلیے سپرے اور آگاہی مہم شروع کر دی گئی ہے۔
دوسری جانب طبی ماہرین نے ڈینگی مچھر سے بچاؤ کیلئے شہریوں کو انتباہ جاری کرتے ہوئے احتیاطی تدابیر پر عمل درآمد کی ہدایت کی ہے ۔
