کندھ کوٹ: (ویب ڈیسک ) کندھ کوٹ اور گردونواح میں خسرہ وبائی شکل اختیار کرگیا، ایک ہی گھر کے دو بچے خسرہ سے جاں بحق ہوگئے۔
جاں بحق ہونے والے بچوں کی شناخت دو سالہ شکیل اور ایک سالہ بسمہ کے نام سے ہوئی ہے۔ دونوں بچے تنگوانی کے نواحی گاؤں جیئو ملک کے رہائشی تھے۔
یاد رہے کہ کندھ کوٹ میں گزشتہ ماہ کے دوراں خسرہ سے گیارہ اموات ہوچکیں ہیں ، علاقہ مکینوں نے خسرہ سے بچنے کے لیے ٹیمیں روانہ کرنے کا مطالبہ کیا ہے۔
واضح رہے چند روز قبل مٹیاری میں ایک ہی خاندان کے 6 بچے بھی زندگی سے ہاتھ دھو بیٹھے ہیں ۔
