لاہور:(دنیا نیوز) پنجاب ہیلتھ کیئر کمیشن کی انسدادِ اتائیت کارروائیاں کے دوران صوبہ بھر میں 492 اتائیوں کے مراکز سیل کردیے گئے۔
کمیشن ترجمان کے مطابق نومبر میں 36 اضلاع میں چھاپے، 2,128 مراکز کے خلاف کریک ڈاؤن کیا جب کہ 1,123مراکز کی نگرانی بھی شروع کردی گئی ہے۔
ترجمان نے بتایا کہ 291 اتائیوں کے مراکز رضاکارانہ بند یا دیگر قانونی کاروبار میں تبدیل کردیے ہیں، لاہور میں 507، راولپنڈی 150، رحیم یار خان میں 132 چھاپے مارے گئے ۔
کمیشن ترجمان نے مزید بتایا کہ لاہور میں سب سے زیادہ 139 اتائیوں کے مراکز بند، گوجرانوالہ میں 32، رحیم یار خان 31، فیصل آباد 26 ، راولپنڈی میں 24، اوکاڑہ میں 21 غیر قانونی مراکز سربمہر کیے گئے۔
علاوہ ازیں اب تک 2 لاکھ 48 ہزار سے زائد چھاپے، 64,000 غیر قانونی مراکز سیل اور 30,000 سے زائد اتائیوں نے رضاکارانہ طور پر غیر قانونی کاروبار بند کیے۔
