راولپںڈی: (دنیا نیوز) آرمی چیف جنرل قمر جاوید باجوہ سے پاکستان میں جاپان کے نئے سفیر کونیوری ماتسودا نے ملاقات کی جس میں دو طرفہ شاندار تعلقات کے مزید فروغ پر اتفاق کیا گیا۔
آئی ایس پی آر کے مطابق جی ایچ کیو راولپنڈی میں ہونے والی ملاقات میں علاقائی سلامتی سمیت باہمی دلچسپی کے امور پر تبادلہ خیال کیا گیا۔ دونوں اطراف نے پاک جاپان تعلقات کو شاندار قرار دیتے ہوئے ان کو مزید فروغ دینے پر اتفاق کیا۔
جاپان کے سفیر نے خطے میں تنازعات سے بچاؤ کے حوالے سے پاکستان کے کردار کو تسلیم کیا اور سراہا۔
