اسلام آباد: (دنیا نیوز) وزیراعظم عمران خان نے کہا ہے کہ عالمی برادری کے کشمیر میں محاصرہ ختم کرنے کے مطالبے کا خیر مقدم کرتا ہوں۔
تفصیلات کے مطابق وزیراعظم عمران خان نے مقبوضہ کشمیر کی صورتحال پر عالمی برادری کی تشویش کو خوش آئند قرار دیا ہے۔ وزیراعظم نے عالمی برادری سے مقبوضہ کشمیر میں انسانی حقوق کی خلاف ورزیوں کی تحقیقات کے لیے کمیشن کا مطالبہ کیا ہے۔
وزیراعظم عمران خان نے اپنے ٹویٹر پیغام میں عالمی رہنماؤں کے مقبوضہ کشمیر سے متعلق بیان اور بھارت سے مقبوضہ کشمیر میں جاری کرفیو کے خاتمے کے مطالبے کو خوش آئند قرار دیا۔
I especially welcome the statement by the UNHCHR in Geneva today. I call upon the UN Human Rights Council to immediately set up the indep Investigation commission to probe human rights abuses in IOJK as recommended by the UNHCHR s two reports on Kashmir. The time to act is now. pic.twitter.com/Xy8hfkDwe2
— Imran Khan (@ImranKhanPTI) September 9, 2019
وزیراعظم عمران خان نے اقوام متحدہ کی انسانی حقوق کونسل سے مطالبہ کیا کہ اب عمل کا وقت آگیا ہے۔ مقبوضہ کشمیر میں انسانی حقوق کی خلاف ورزیوں کی تحقیقات کے لیے فوری طور پر غیر جانبدار انکوائری کمیشن بنایا جائے۔
ان کا مزید کہنا تھا کہ خود اقوام متحدہ کی انسانی حقوق کونسل نے اپنی گزشتہ 2 رپورٹس میں ایسا تحقیقاتی کمیشن بنانے کی سفارش کی تھی۔
