پاک فوج کورونا وبا کیخلاف دیگر اداروں کی معاونت جاری رکھے، آرمی چیف

راولپنڈی: (دنیا نیوز) پاک فوج کے سپہ سالار جنرل قمر جاوید باجوہ نے ہدایت جاری کی ہیں کہ پاکستان آرمی کورونا وبا کے خلاف دیگر اداروں کی معاونت جاری رکھے۔ اس مشکل گھڑی میں متاثرہ افراد تک پہنچ کر انہیں سہولت دی جائے گی۔

پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ نے کوہاٹ کا دورہ کیا۔ وہ سی ایم ایچ پہنچے جہاں انہوں نے کورونا سنٹر میں انتظامات کا جائزہ لیا۔

کوہاٹ پہنچنے پر کور کمانڈر پشاور لیفٹیننٹ جنرل نعمان محمود نے آرمی چیف کا استقبال کیا۔ آرمی چیف جنرل قمر جاوید نے مادر وطن کے دفاع میں جان کا نظرانہ پیش کرنے والے شہدا کی یادگار پر حاضری دی اور پھول چڑھائے۔

#COAS visited Kohat. Laid floral wreath at Shuhada monument. Was briefed on operational preparedness, prevailing security situation including border security measures along Pak-Afg border, update on Army’s assistance against COVID-19. (1/3) pic.twitter.com/OIVSM4OFyH

— DG ISPR (@OfficialDGISPR) May 7, 2020

آرمی چیف نے کورونا کے ریلیف پروگرام میں مصروف جوانوں اور افسروں سے ملاقات کی اور ان کے بلند حوصلے کو سراہا۔ جنرل قمر جاوید باجوہ کو علاقے میں کورونا کی صورتحال، آپریشنل تیاریوں اور پاک افغان سرحد پر سیکیورٹی صورتحال پر بھی بریفنگ دی گئی۔

“Pak Army shall continue assisting other institutions in fighting the pandemic. Reach out to people particularly those affected by COVID-19 for bringing comfort in this hour of distress” COAS. (3/3) pic.twitter.com/GzMgBGgy80

— DG ISPR (@OfficialDGISPR) May 7, 2020

آئی ایس پی آر کے مطابق آرمی چیف جنرل قمر جاوید باجوہ نے ہدایت دی کہ کورونا سے متاثرہ تمام علاقوں تک پہنچا جائے۔ پاکستان آرمی اس وبا کے خلاف دیگر اداروں کی معاونت جاری رکھے۔ انہوں نے کہا کہ اس مشکل گھڑی میں متاثرہ افراد تک پہنچ کر انہیں سہولت دی جائے گی۔