تازہ ترین
  • بریکنگ :- ملک بھرمیں 24 گھنٹےکےدوران کوروناسےمزید 17 اموات
  • بریکنگ :- ملک بھرمیں کوروناسےجاں بحق افرادکی تعداد 28 ہزار 269 ہوگئی
  • بریکنگ :- 24 گھنٹےکےدوران 44 ہزار 831 کوروناٹیسٹ کیےگئے،این سی اوسی
  • بریکنگ :- 24 گھنٹےمیں کوروناکےمزید 720 کیس رپورٹ،این سی اوسی
  • بریکنگ :- ملک میں کورونامثبت کیسزکی شرح 1.60 فیصدرہی،این سی اوسی

پنجاب میں لاک ڈاؤن تین روز کیلئے سخت، لاہور کے متعدد راستے کنٹینر لگا کر بند

Last Updated On 14 May,2020 09:09 pm

لاہور: (دنیا نیوز) جمعہ، ہفتہ اور اتوار تین روز تک بڑی مارکیٹیں، بازار بند رہیں گے۔ لاک ڈاؤن میں سختی پر عملدآمد کے لئے لاہور کے متعدد راستے کنٹینر لگا کر بند کر دئیے گئے۔

ذرائع کے مطابق داتا دربار، سول سیکرٹریٹ اور اردو بازار کے باہر کنٹینرز کھڑے کر دئیے گئے ہیں۔ یوم علی رضی اللہ تعالی عنہ کے حوالے سے بھی کنٹینرز کو کھڑا کیا گیا اور راستے بند کئے گئے ہیں۔

ادھر پنجاب حکومت کے اعلیٰ سطح اجلاس میں وزیراعلیٰ کو اہم معاملات سے آگاہ کر دیا گیا ہے۔ وزیراعلیٰ نے سوموار سے ایس او پیز کی خلاف ورزی کرنے والی مارکیٹیں فوری بند کرنے کا حکم دیدیا ہے۔

دنیا نیوز ذرائع کے مطابق مارکیٹوں اور بازاروں میں ایس او پیز کی خلاف ورزیوں پر وزیراعلیٰ کو رپورٹ دی پیش کی گئی جس میں بتایا گیا کہ صوبے میں ایس او پیز کی خلاف ورزی پر لاہور سمیت دیگر بڑے اضلاع میں 456 دکانوں مارکیٹوں میں وارننگ اور جرمانے کئے گئے۔

اس موقع پر وزیراعلیٰ عثمان بزدار نے متعلقہ افسران کو حکم دیا کہ حکومتی احکامات اور ایس او پیز کی خلاف ورزی کسی صورت قابل برداشت نہیں ہوگی۔ جمعہ، ہفتہ اور اتوار تین دن پنجاب میں مارکیٹیں اور بازار بند رکھے جائیں۔

انہوں نے سختی سے ہدایات جاری کیں کہ سوموار سے جہاں ایس او پیز کی خلاف ورزی کی جائے گی، ان بازاروں اور مارکیٹوں کو سیل کر دیا جائے۔