پاکستان
خلاصہ
- لاہور: (دنیا نیوز) وزیر اعظم عمران خان اور وزیراعلیٰ پنجاب سردار عثمان بزدار کی ون آن ون ملاقات ہوئی جس میں کورونا وائرس اور ٹڈی دل کے حوالے سے تبادلہ خیال کیا گیا۔
وزیراعظم عمران خان اور گورنر پنجاب چودھری سرور کی ملاقات بھی شیڈول ہے، صوبائی وزرا بھی وزیر اعظم سے الگ الگ ملاقاتیں کریں گے۔ وزیر اعظم کورونا ریلیف فورس سے بھی ملاقات کریں گے، وزیر اعظم پنجاب کی کورونا کیبیٹ کمیٹی کے اجلاس کی صدارت کریں گے اور کورونا کے بڑھتے ہوئے کیسز کے حوالے سے اہم فیصلے کئے جائینگے۔
ٹڈی دل کے حوالے سے بھی وزیر اعظم کی زیر صدارت اجلاس ہو گا، اجلاس میں ٹڈی دل سے ہونے والے نقصانات کا جائزہ لیا جائے گا۔
