تازہ ترین
  • بریکنگ :- خواجہ سراؤں کوپولیس میں کوٹہ کےتحت نوکریاں نہ دینےکیخلاف درخواست
  • بریکنگ :- لاہورہائیکورٹ کاخواجہ سراؤں کوپولیس میں بھرتی نہ کرنےپراظہاربرہمی
  • بریکنگ :- لاہور:عدالت نےآئی جی پنجاب کوفوری طلب کرلیا

وزیراعظم عمران خان کا پٹرول بحران کے ذمہ داروں کو گرفتار کرنیکا حکم

Last Updated On 18 June,2020 03:54 pm

اسلام آباد: (دنیا نیوز) وزیراعظم کو پیٹرول بحران کی رپورٹ پیش کر دی گئی۔ عمران خان نے پٹرول بحران میں ملوث کمپنیوں اور ذمہ داران کے خلاف کاروائی ‏کی ہدایت کرتے ہوئے ملوث افراد کو گرفتار اور ذخیرہ شدہ پٹرول جبری طور پر ‏مارکیٹ میں سپلائی کرنے کا حکم دے دیا۔

وزیراعظم عمران خان کو پیش کی جانے والی رپورٹ میں پیٹرول بحران کے ذمہ داروں کا تعین بھی کر دیا گیا۔ اوگرا نے پیٹرول بحران کی ‏ذمہ داری پیٹرولیم ڈویزن پر عائد کر دی۔

رپورٹ کے مطابق 9 آئل مارکیٹنگ کمپنیوں نے جان بوجھ کر بحران پیدا کیا، ڈی جی آئل ‏ڈٓاکٹر شفیع آفریدی اور پٹرولیم ڈویژن افسران اپنی ذمہ داری پوری کرنے میں ناکام ‏رہے۔

عمران خان نے کہا کہ پٹرول بحران کسی صورت برداشت نہیں کیا جائے گا، بحران میں ‏ملوث کمپنیوں کے لائسنس معطل اور منسوخ کیے جائیں، تمام آئل مارکیٹنگ کمپنیوں کو ‏‏21 دن کا ذخیرہ یقینی بنانے کا پابند کیا جائے۔