تازہ ترین
  • بریکنگ :- وزیراعظم شہبازشریف سےرکن قومی اسمبلی اسلم بھوتانی کی ملاقات
  • بریکنگ :- اسلام آباد:ملاقات میں ملکی مجموعی سیاسی صورتحال پرتبادلہ خیال
  • بریکنگ :- وزیراعظم کی اسلم بھوتانی کےتحفظات دورکرنےکی یقین دہانی

مقبوضہ کشمیر: بھارتی فوج نے بارہ مولہ میں ایک اور نوجوان شہید کر دیا

Published On 23 August,2020 11:40 am

سرینگر: (دنیا نیوز) مقبوضہ کشمیر میں بھارتی فوج نے سرچ آپریشن کی آڑ میں ایک اور کشمیری شہید کر دیا، واقعہ بارہ مولہ میں پیش آیا۔

مقبوضہ وادی میں بھارتی ظلم و ستم کا سلسلہ نہ تھم سکا، بارہ مولہ میں دوسرے روز بھی سرچ آپریشن جاری ہے جس میں مزید ایک اور کشمیری نوجوان کو شہید کر دیا گیا۔ گزشتہ روز بھی ایک نوجوان کو شہید کیا گیا تھا۔

علاقے میں قابض فوج نے جگہ جگہ ناکے لگا رکھے ہیں اور راستے بند ہیں۔ بانڈی پورہ میں بھی پکڑ دھکڑ کا سلسلہ تیز کر دیا گیا جہاں پانچ نوجوانوں کو گرفتار کرکے نامعلوم مقام پر منتقل کر دیا۔

یاد رہے کہ 3 روز قبل بھی بھارتی فوج نے نام نہاد آپریشن کی آڑ میں تین کشمیری نوجوانوں کو فائرنگ کر کے شہید کردیا تھا۔مودی حکومت نے جابرانہ اقدام کرتے ہوئے گزشتہ برس سے لاک ڈاون نافذ کر رکھا ہے، اس دوران بھارتی فوج نے درندگی دکھاتے ہوئے 217 کشمیریوں کو شہید کیا جن میں 4 خواتین اور 10 نو عمر لڑکے شامل ہیں۔