تازہ ترین
  • بریکنگ :- کراچی: کورٹ پولیس ہائی پروفائل کیس کے ملزم کی حفاظت نہ کرسکی
  • بریکنگ :- کراچی: نجی شاپنگ سینٹر کی سی سی ٹی وی فوٹیج پولیس نےحاصل کرلی
  • بریکنگ :- کراچی:دعا منگی کیس کامرکزی ملزم ذوہیب قریشی فرار ہوگیا،پولیس ذرائع
  • بریکنگ :- کراچی: کورٹ پولیس جیل سےذوہیب قریشی کو پیشی پر لے کر گئی،ذرائع
  • بریکنگ :- کراچی: ملزم ذوہیب قریشی واپسی پر جیل نہیں پہنچا،ذرائع
  • بریکنگ :- کراچی: جیل واپسی پر قیدیوں کی گنتی کےدوران معاملہ کھلا،ذرائع
  • بریکنگ :- کراچی: پولیس اہلکار ذوہیب قریشی کو شاپنگ کرانے لےگئے تھے،ذرائع
  • بریکنگ :- دو اہلکار زیر حراست،فیروزآباد تھانےمیں مقدمہ درج کیاجارہاہے،ذرائع
  • بریکنگ :- کراچی:دعا منگی کو 30 نومبر 2019 کو ڈیفنس سےاغوا کیا گیا تھا،ذرائع
  • بریکنگ :- دعا منگی کی رہائی تاوان کی ادائیگی کےبعد عمل میں آئی تھی،ذرائع
  • بریکنگ :- ملزمان کو کراچی پولیس نے 18 مارچ کو گرفتار کیا گیا تھا
  • بریکنگ :- انھی ملزمان نےڈیفنس سے تاوان کیلئےبسمہ نامی لڑکی کو بھی اغوا کیاتھا
  • بریکنگ :- دونوں مقدمات انسداد دہشتگردی کی عدالت میں زیر سماعت تھے
  • بریکنگ :- شلوار قمیض،ماسک اور پی کیپ پہنا شخص ذوہیب قریشی ہے، پولیس کا دعویٰ

پاکستان ذمہ داریوں سے آگاہ،فیٹف معاملہ تکنیکی بنیادوں پر حل ہونا چاہیے:دفتر خارجہ

Published On 03 September,2020 05:15 pm

اسلام آباد: (دنیا نیوز) دفتر خارجہ نے کہا ہے کہ کلبھوشن کو تیسری قونصلر رسائی کی پیشکش ابھی تک برقرار ہے، بھارت آگے بڑھے اور پاکستان کی عدالتوں سے تعاون کرے۔ اپنی ذمہ داریوں سے آگاہ ہیں، فیٹف کا معاملہ سیاسی کے بجائے ٹیکنیکل بنیادوں پر حل ہونا چاہیے۔

ترجمان دفتر خارجہ زاہد حفیظ چودھری کا ہفتہ وار میڈیا بریفنگ کے دوران فنانشل ایکشن ٹاسک فورس کے معاملے پر بات کرتے ہوئے کہنا تھا کہ پاکستان اپنی ذمہ داریوں سے مکمل آگاہ ہے۔ ایف اے ٹی ایف سے متعلق قانون سازی کی ہے۔ فیٹف کا معاملہ سیاسی بنیادوں کی بجائے ٹیکنیکل طور پر حل ہونا چاہیے۔

مقبوضہ کشمیر کی صورتحال پر بات کرتے ہوئے ان کا کہنا تھا کہ محرم کے جلوسوں اور عزاداروں پر بھارتی فورسز نے طاقت کا استعمال کیا، اس اقدام کی مذمت کرتے ہیں۔ بھارتی فوج مقبوضہ کشمیر میں جنگی جرائم کی مرتکب ہو رہی ہے۔ انہوں نے کہا کہ بھارت مقبوضہ کشمیر میں ہندی زبان رائج کرنے کیلئے دباؤ ڈال رہا ہے۔ عالمی برادری ان غیر قانونی اقدامات کا نوٹس لے۔

ترجمان دفتر خارجہ افسوس ہے کہ سلامتی کونسل سیکشنز کمیٹی کے کچھ ارکان نے 2 بھارتی شہریوں پر پابندی کو روکا۔ پاکستان نے ہمیشہ اقوام متحدہ سیکشنز کے معاملے کو غیر سیاسی بنانے پر زور دیا۔ انگارا اپاجی اور گوبندہ پت نائیک دہشتگردی کے جرم میں پاکستان کو مطلوب ہیں۔ پاکستان نے سیکشنز کمیٹی کو دستاویزی ثبوت اور شواہد فراہم کئے۔ پاکستان بھارتی سپانسرڈ دہشتگردی کو بے نقاب کرتا رہے گا۔ افغان حکومت کو کہا ہے کہ افغان سرزمین پاکستان کے خلاف استعمال نہ ہو۔

بھارتی جاسوس کے معاملے پر بات کرتے ہوئے ترجمان دفتر خارجہ نے کہا کہ پاکستان انٹرنیشنل کورٹ آف جسٹس (آئی سی جے) کے فیصلے پر عملدرآمد کیلئے پرعزم ہے۔ بھارت آگے بڑھے اور پاکستان کی عدالتوں سے تعاون کرے۔ دوسری قونصلر رسائی کے دوران بھارتی سفارتکار ملاقات چھوڑ کر چلے گئے تھے۔ تاہم پاکستان کی جانب سے تیسری قونصلر رسائی کی پیشکش ابھی تک برقرار ہے۔