تازہ ترین
  • بریکنگ :- صوبوں کاٹوٹل سرپلس 11 ارب روپےآرہاہے،مفتاح اسماعیل
  • بریکنگ :- شہبازشریف نےعمران خان کویوٹرن لینےپرمجبورکردیا،مفتاح اسماعیل
  • بریکنگ :- حکومت اب بھی میڈیکل الاؤنس پرٹیکس لیتی ہے،مفتاح اسماعیل
  • بریکنگ :- حکومت نےپٹرولیم لیوی 610 ارب روپےرکھی ہے،مفتاح اسماعیل
  • بریکنگ :- ایف بی آرکوگرفتاریوں کی اجازت دینےسےریونیونہیں بڑھےگا،مفتاح اسماعیل
  • بریکنگ :- آپ ایف بی آرکونیب بنانےلگےہیں،یہ نہیں ہوناچاہیئے،مفتاح اسماعیل

’پاک آسٹریا فیکوچ شول انسٹیٹیوٹ کا قیام اپلائیڈسائنس کے گریجویٹس کیلئے انقلابی اقدام ہے‘

Published On 03 October,2020 05:49 pm

اسلام آباد: (دنیا نیوز) وزیراعظم عمران خان کے معاون خصوصی برائے اطلاعات و نشریات اور چیئرمین پاک چین اقتصادی راہداری (سی پیک) اتھارٹی لیفٹیننٹ جنرل (ر) عاصم سلیم باجوہ کا کہنا ہے کہ پاک آسٹریا فیکوچ شول انسٹیٹیوٹ کا قیام اپلائیڈسائنس کے گریجویٹس کیلئے انقلابی اقدام ہے۔

چیئرمین سی پیک اتھارٹی لیفٹیننٹ جنرل ریٹائرڈ عاصم سلیم باجوہ نے سماجی رابطے کی ویب سائٹ ٹوئٹر پر اپنے پیغام میں کہا کہ پاک آسٹریاانسٹیٹیوٹ کاقیام انقلابی اقدام ہے، انسٹی ٹیوٹ اپلائیڈسائنس کے گریجویٹس کے لیے قائم کیا گیا ہے۔

عاصم سلیم باجوہ کاکہنا تھا کہ عمران خان نےاعلیٰ تعلیم میں بہتری کےلیےعالمی تعلیمی اداروں سے روابط کے عزم کا اظہارکیا، اس طرح کے مزید منصوبے بھی زیر غور ہیں۔

یاد رہے 17 ستمبر کو وزیراعظم عمران خان ہری پور پہنچے اور پاک آسٹریا فیکوچ شول انسٹیٹیوٹ کا افتتاح کیا تھا، یونیورسٹی میں مصنوعی ذہانت اورانجینئرنگ کےشعبےمیں تعلیم دی جائےگی۔

چیئرمین سی پیک اتھارٹی لیفٹیننٹ جنرل ریٹائرڈعاصم سلیم باجوہ نے کہا تھا کہ انسٹیٹیوٹ ٹیکنالوجی تعلیم کامثالی ادارہ ثابت ہوگا ، حکومت کاسائنس وٹیکنالوجی کی تعلیم پروژن واضح ہے اور سائنس وٹیکنالوجی کی تعلیم کےفروغ کیلئےپرعزم ہے۔