تازہ ترین
  • بریکنگ :- پی ٹی آئی کا ملتان میں جلسہ، عمران خان اسٹیج پر موجود
  • بریکنگ :- ملتان: عمران خان جلسے سے خطاب کریں گے
  • بریکنگ :- 80 کلو میٹر طویل موٹروے کاتخمینہ 58 ارب روپے ہے

کورونا دوبارہ پھیلنے کے خدشے کے سبب عوام چند مہینے مزید احتیاط کریں: صدر مملکت

Published On 18 October,2020 12:01 pm

اسلام آباد: (دنیا نیوز) صدر مملکت ڈاکٹر عارف علوی نےعوام سے اپیل کی ہے کہ کورونا دوبارہ پھیلنے کے تناظر میں مزید چند مہینوں کے لئے احتیاطی تدابیر پر عمل کیا جائے۔

کورونا وبا کے کیسز میں اضافے کے پیش نظر عوام کے نام ویڈیو پیغام میں صدرمملکت ڈاکٹر عارف علوی نے کہا ہے کہ ہم کورونا کے خلاف جنگ کافی حد تک جیت چکے ہیں، ابھی مکمل کامیابی حاصل نہیں ہوئی، مکمل قابو کے لئے احتیاطی تدابیر پر عمل ناگزیر ہے۔

انہوں نے کہاکہ جن ممالک میں کورونا کم ہوا وہاں اب دوبارہ پھیل رہا ہے لہذا پاکستان میں اس حوالے سے احتیاط کی جائے ، حکومت نے احساس پروگرام کے تحت غریب طبقے کی مالی امداد کی ہے۔