اسلام آباد: (دنیا نیوز) بوسنیا پریذیڈنسی کے چیئرمین شیفک جیفروچ کی وزیراعظم ہاؤس آمد، عمران خان نے استقبال کیا، معزز مہمان کو گارڈ آف آنر پیش کیا اور پاک فوج کے چاق چوبند دستوں نے سلامی دی۔
وزیراعظم عمران خان نے شیفک جیفروچ کے ساتھ کابینہ اراکین کا تعارف کروایا۔ وزیر اعظم اور بوسنیا کے چیرمین ایوان صدر میں ون آن ون اور وفود کی سطح پر ملاقاتیں بھی ہوں گی۔ دونوں رہنما مفاہمتی یاداشتوں کی تقریب میں شریک ہوں گے۔ بوسنیا کے وفد کے اعزاز میں وزیر اعظم ہاؤس میں ظہرانہ بھی دیا جائے گا۔
