تازہ ترین
  • بریکنگ :- اقلیتی برادری کو کوٹہ کے حقوق ملنےچاہئیں،وزیرخارجہ بلاول بھٹو
  • بریکنگ :- اقلیتی برادری کےحقوق کےتحفظ کےلیےاقدامات اٹھانےچاہئیں،بلاول بھٹو
  • بریکنگ :- اقلیتی برادری کے حقوق کیلئے سب کو مل کر کام کرنا ہوگا،بلاول بھٹو
  • بریکنگ :- تمام پاکستانیوں کو یکساں حقوق دینے پر یقین رکھتے ہیں،بلاول بھٹو
  • بریکنگ :- سندھ حکومت میں غیر مسلم کی بھی نمائندگی ہے،وزیرخارجہ
  • بریکنگ :- تقاریرنہیں،عملی اقدامات سےبہتری کی جانب بڑھ سکتےہیں،بلاول بھٹو

'سکھ برادری کو گرو نانک کا جنم دن مبارک، پنجاب آمد پر”جی آیاں نوں“ کہتے ہیں'

Published On 29 November,2020 10:31 am

لاہور: (دنیا نیوز) وزیراعلیٰ پنجاب سردار عثمان بزدار نے کہا ہے کہ سکھ برادری کو بابا گرونانک دیو جی کے جنم دن پر مبارکباد دیتے ہیں، سکھ برادری کو پنجاب آمد پر”جی آیاں نوں“کہتے ہیں۔

عثمان بزدار نے اپنے بیان میں کہا کہ تحریک انصاف کی حکومت اسلامی تعلیمات کے مطابق مذہبی رواداری پر یقین رکھتی ہے۔ کرتار پور راہداری کا قیام پاکستان تحریک انصاف کی حکومت کا تاریخی کارنامہ ہے- وزیراعظم عمران خان کی قیادت میں کرتار پور راہداری حکو مت کا مذہبی ہم آہنگی کے فروغ کیلئے ایک تاریخ ساز اقدام ہے۔

عثمان بزدارنے کہا کہ باباگرونانک دیو جی کا جنم دن سکھ برادری کا روایتی مذہبی اور خوشیوں بھرا تہوار ہے۔ ایک دوسرے کی خوشیوں میں شریک ہونے سے بھائی چارے اور یکجہتی کو فروغ ملتا ہے۔ بابا گرو نانک دیوجی مذہبی رواداری اور بین المذاہب ہم آہنگی کی بہترین مثال تھے۔ بابا گرو نانک کا شمار ان ہستیوں میں ہوتا ہے جنہوں نے انسانیت سے پیار، اخوت و بھائی چارے کے پیغام کو عام کیا۔ ہر سال سکھ برادری کی خدمت کر کے خوشی ہوتی ہے۔ سکھ برادری کو مذہبی رسومات کی ادائیگی کیلئے تمام تر سہولیات فراہم کی گئی ہیں۔

عثمان بزدار کا کہنا تھا کہ سکھ برادری کو اپنے عقائد کے مطابق زندگی بسر کرنے کی مکمل آزادی ہے۔ ان کے گوردواروں کی دیکھ بھال، تزئین و آرائش اور سکیورٹی پر خصوصی توجہ دی گئی ہے۔ تحریک انصاف کی حکومت نے اقلیتوں کے حقوق کے تحفظ کو یقینی بنایا ہے۔