اسلام آباد: (دنیا نیوز) وفاقی وزیر اطلاعات سینیٹر شبلی فراز نے پی ڈی ایم کے جلسے سے متعلق ٹویٹ کرتے ہوئے لکھا کہ "یہ نہ آر ہوئے نہ پار، یہ صرف خوار ہوئے"۔ لاہور کا جلسہ ایک فلاپ شو تھا، عوام نے انہیں انکے بیانیے سمیت مسترد کردیا۔
وفاقی وزیر اطلاعات سینیٹر شبلی فراز نے ٹویٹر پیغام میں کہا کہ لاہور اور پنجاب کے شہریوں کی عدم شرکت کی وجہ سے پی ڈی ایم رہنماؤں کے چہروں پر ہوائیاں اڑی ہوئی تھیں۔ سینیٹر شبلی فراز کے مطابق جن کی سمتیں مختلف ہوں، انکی منزل ایک نہیں ہو سکتی۔ گوجرانوالہ جلسے میں پاک افواج کے خلاف زہر اگلا گیا۔
"یہ نہ آر ہوئے نہ پار یہ صرف خوار ہوئے" لاہور کا جلسہ ایک فلاپ شو تھا۔عوام نے انہیں انکے بیانیے سمیت مسترد کردیا۔لاہور اور پنجاب کے شہریوں کی عدم شرکت کی وجہ سے پی ڈی ایم رہنماؤں کے چہروں پر ہوائیاں اڑی ہوئی تھیں۔جن کی سمتیں مختلف ہوں انکی منزل ایک نہیں ہو سکتی۔
— Senator Shibli Faraz (@shiblifaraz) December 14, 2020
وفاقی وزیر اطلاعات کے مطابق کراچی جلسے میں مزارِ قائد کی بے حرمتی کی گئی۔ کوئٹہ جلسے میں پاکستان توڑنے کا پیغام دیا گیا جبکہ لاہور جلسے میں لاہوریوں کو غدار بولا گیا۔
