اسلام آباد: (دنیا نیوز) پاکستان سمیت دنیا بھر میں کرسمس کا تہوار آج منایا جا رہا ہے، وزیراعظم عمران خان نے پاکستان کی مسیحی برادری کو کرسمس کی مبارک باد دی۔
پاکستان سمیت دنیا بھر میں کرسمس کی تقریبات جاری ہیں، وزیراعظم نے پاکستان کی مسیحی برادری کو کرسمس کی مبارک باد دی، انہوں نے کوروناایساو پیز پر عملدرآمد یقینی بنانے کی اپیل بھی کی۔ کورونا کے باعث دنیا بھر میں کرسمس کی رونقیں کچھ ماند ہیں، ویٹیکن سٹی میں منعقدہ تقریب سے پوپ فرانسس نے خطاب کیا، کورونا کے باعث تقریب میں کم افراد کو مدعو کیا گیا تھا۔
ہمارے مسیحی شہریوں کو کرسمس کی ڈھیروں خوشیاں مبارک۔ وباء (COVID-19) کے حوالے سےمجوزہ احتیاطی تدابیر (SOPs) ملحوظِ خاطر رکھتے ہوئے محفوظ رہئیے۔
— Imran Khan (@ImranKhanPTI) December 24, 2020
صدر ٹرمپ نے کرسمس پر دنیا بھر کی مسیحی برادری کو مبارک بادی دی، انہوں نے کورونا ویکسین کو کرسمس کا تحفہ قرار دیا۔
