تازہ ترین
  • بریکنگ :- شاہدخاقان عباسی کی زیرصدارت سولرانرجی سےمتعلق ٹاسک فورس کااجلاس
  • بریکنگ :- مریم اورنگزیب سمیت ٹاسک فورس کے دیگر ارکان کی اجلاس میں شرکت
  • بریکنگ :- کمیٹی کا سولر انرجی کی پیداوار بڑھانے کے لیے مختلف اقدامات کا جائزہ
  • بریکنگ :- سرکاری عمارتوں کوسولرانرجی پرمنتقل کرنے کا فیصلہ، وزیراطلاعات
  • بریکنگ :- بجلی پرسبسڈی والےعلاقوں میں بھی سولرپلانٹس لگانےکافیصلہ،مریم اورنگزیب
  • بریکنگ :- توانائی کی بچت اورگرین انرجی کوفروغ دینےکیلئےپالیسی بنانےپر بھی غور
  • بریکنگ :- سرکاری عمارتوں کوشمسی توانائی پرمنتقل کرنےکیلئے رپورٹ مرتب کرنےکی ہدایت
  • بریکنگ :- شمسی توانائی پرمنتقلی کیلئےسولرپینلزکوفروغ دینےکی ضرورت ہے،وزیراطلاعات
  • بریکنگ :- سولرپینلزسےاضافی بجلی گرڈاسٹیشنزکوبھی فروخت کی جاسکےگی،وزیراطلاعات
  • بریکنگ :- 4 سے 5 ہزارمیگاواٹ کےمنصوبوں پرکام جلدشروع ہوگا،وزیراطلاعات

سیدھی بات کرتا ہوں، ہمارے 16 ارکان نے پیسے لے کر خود کو بیچ دیا: وزیراعظم

Published On 05 March,2021 06:15 pm

اسلام آباد: (دنیا نیوز) وزیراعظم عمران خان نے کہا ہے کہ میں جانتا ہوں کہ ہمارے 16 ارکان نے پیسے لے کر خود کو بیچا۔ آپ ضمیر کی آواز پر فیصلہ کریں، پیسے لے کر ووٹ دینا بد دیانتی ہے۔

ذرائع کے مطابق وزیراعظم عمران خان نے یہ اہم بات پارلیمانی پارٹی کے اجلاس سے خطاب میں کہی۔ اس اجلاس میں پی ٹی آئی اور اتحادی جماعتوں کے ارکان نے شرکت کی۔

وزیراعظم عمران خان نے اعتماد کا ووٹ لینے کے فیصلے پر تمام ارکان کو اعتماد میں لیا۔ وزیراعظم نے اس موقع پر کہا کہ جس رکن کو مجھ پر اعتماد نہیں، وہ کھل کر اظہار کرے۔

ذرائع کے مطابق اجلاس میں پی ٹی آئی ارکان نے وزیراعظم کے حق فلک شگاف میں نعرے لگائے۔ اس موقع پر خیبر پختونخوا سے تعلق رکھنے والے ارکان جذباتی ہوگئے۔

یہ بھی پڑھیں: مسلم لیگ (ق) اور ایم کیو ایم نے وزیراعظم پر مکمل اعتماد کا اظہار کردیا

خیبر پختونخوا سے تعلق رکھنے والے اراکین کا کہنا تھا کہ وزیراعظم صاحب! حلقہ ہم سنبھالیں گے، آپ اپنے مقصد پر ڈٹے رہیں۔ وزیراعظم کا اراکین اسمبلی سے کہنا تھا کہ آپ کو عوام نے منتخب کرکے ایوان میں بھیجا ہے۔ جن لوگوں نے پیسے لے کر ووٹ بیچا، ان کی نظر میں غلط ہوں تو بے شک میرا ساتھ نہ دیں۔

عمران خان کا کہنا تھا کہ میں ایک مقصد لے کر سیاست میں آیا ہوں۔ میں جمہوریت اور آزادی رائے پر یقین رکھتا ہوں۔ مجھے کوئی بلیک میل کرکے اپنی بات نہیں منوا سکتا۔

ذرائع کے مطابق پارلیمانی پارٹی کا اجلاس میں جی ڈی اے کی جانب سے تحفظات کا اظہار کرتے ہوئے کہا گیان کہ وعدے کے مطابق تحریک انصاف کے اراکین نے ہمارے سینیٹ امیدوار کو ووٹ نہیں دیے۔

فہمیدہ مرزا کا کہنا تھا کہ ہم چاہتے ہیں کہ وزیراعظم اس معاملے کی تحقیقات کریں۔ تحفظات کے باوجود آپ پر اعتماد ہے، ساتھ کھڑے ہیں۔ وزیراعظم نے انھیں یقین دہانی کرائی کہ ہمارے جن لوگوں نے سندھ میں ووٹ بیچے، ان کے خلاف کاروائی کریں گے۔