تازہ ترین
  • بریکنگ :- وفاقی حکومت نےشہبازگل کیس میں اسپیشل پبلک پراسیکیوٹرمقررکردیا
  • بریکنگ :- وزارت داخلہ کےسیکشن افسریاورحسین رانانےنوٹیفکیشن جاری کردیا
  • بریکنگ :- ایڈووکیٹ سپریم کورٹ چودھری حسیب محمدکیس کی پیروی کریں گے
  • بریکنگ :- نوٹیفکیشن کی کاپی چیف کمشنر،آئی جی اسلام آبادکوارسال کردی گئی
  • بریکنگ :- وزارت قانون کی منظوری کےبعدوزارت داخلہ نےنوٹیفکیشن جاری کردیا

حکومت نے جے یو آئی ف کو ڈپٹی چیئرمین سینیٹ کی آفر کر دی

Published On 09 March,2021 03:32 pm

اسلام آباد: (دنیانیوز) حکومت نے جے یو آئی ف کو ڈپٹی چیئرمین سینیٹ کی آفر کر دی۔ پرویز خٹک نے کہا کہ عبدالغفور حیدری کو آفر کی ہے کہ ہمارے ڈپٹی چیئرمین سینیٹ بن جائیں۔

صحافی کے سوال کیا آپ کو ڈپٹی چیئرمین سینیٹ کیلئے نامزد کر دیا ؟ پر عبدالغفور حیدری نے کہا کہ مجھے پی ڈی ایم نے ابھی باضابطہ طور پر آگاہ نہیں کیا، صادق سنجرانی چیئرمین سینیٹ ہیں، ملاقات ہوتی رہتی ہیں، یہ نہیں کہہ سکتا 12 مارچ کے بعد چیئرمین سینیٹ کون ہوگا۔

دوسری جانب اپوزیشن اتحاد پاکستان ڈیموکریٹک موومنٹ نے ڈپٹی چیئرمین سینیٹ کیلئے جے یو آئی جبکہ ایوان بالا میں قائد حزب اختلاف کیلئے مسلم لیگ (ن) سے متفقہ امیدوار لانے کا فیصلہ کیا ہے۔

سابق وزیراعظم شاہد خاقان عباسی کی زیر صدارت اسلام آباد میں ان کی رہائش گاہ پر پاکستان ڈیموکریٹک موومنٹ کی خصوصی کمیٹی کا اجلاس ہوا، جس میں طاہر بزنجو، راجہ پرویز اشرف، حافظ عبدالکریم، میاں افتخار، جہانزیب جمالدینی و دیگر اپوزیشن رہنماؤں نے شرکت کی۔

اجلاس میں ڈپٹی چیئرمین سینٹ کے نام پر حتمی مشاورت کی گئی۔ ذرائع کا کہنا ہے کہ خصوصی کمیٹی نے ڈپٹی چیئرمین سینیٹ کی نشست پر جمعیت علمائے اسلام جب کہ سینیٹ میں اپوزیشن لیڈر کیلئے مسلم لیگ (ن) سے امیدوار لانے پر اتفاق کیا، دونوں عہدوں کے لئے ناموں کا حتمی اعلان پاکستان ڈیموکریٹک موومنٹ کے سربراہ مولانا فضل الرحمان کریں گے۔