تازہ ترین
  • بریکنگ :- سکردو:وزیراعلیٰ گلگت بلتستان خالدخورشیدکی پریس بریفنگ
  • بریکنگ :- لینڈمافیااورمحکمہ مال کےکرپٹ اہلکاروں کونشان عبرت بنائیں گے،خالدخورشید
  • بریکنگ :- 5 سال میں نیاگلگت بلتستان دےکرجائیں گے،وزیراعلیٰ گلگت بلتستان
  • بریکنگ :- 150 میگاواٹ بجلی کےمنصوبوں پرکام شروع کردیا،وزیراعلیٰ گلگت بلتستان
  • بریکنگ :- ہرضلع کےاسپتالوں میں آئی سی یوبنائیں گے،وزیراعلیٰ خالدخورشید
  • بریکنگ :- سکردو:2میڈیکل کالجزبھی قائم کیےجائیں گے،وزیراعلیٰ گلگت بلتستان
  • بریکنگ :- آرٹیکل ون میں شامل ہوئےبغیرگلگت بلتستان بااختیارصوبہ بنےگا،خالدخورشید
  • بریکنگ :- جی بی کیلئےقومی اسمبلی میں چار،سینیٹ میں 8نشستیں مختص ہوں گی،وزیراعلیٰ
  • بریکنگ :- جی بی سےمنتخب قومی اسمبلی ممبروزیراعظم پاکستان بھی بن سکتاہے،خالدخورشید
  • بریکنگ :- عبوری آئینی صوبےکیلئےوفاق کی اپوزیشن جماعتوں سےتعاون کی امیدہے،وزیراعلیٰ
  • بریکنگ :- گلگت بلتستان میں لینڈریفارمزکمیشن بنایاگیاہے،وزیراعلیٰ گلگت بلتستان

لاہور ہائیکورٹ: مریم نواز کی ضمانت منسوخی کی درخواست سماعت کیلئے مقرر

Published On 13 March,2021 12:42 pm

لاہور: (دنیا نیوز) لاہور ہائیکورٹ نے چودھری شوگر ملز منی لانڈرنگ کیس میں مریم نواز کی ضمانت منسوخی کی درخواست سماعت کیلئے مقرر کر دی۔ ہائیکورٹ کا 2 رکنی بینج 15 مارچ کو سماعت کرے گا۔

 چیئرمین نیب کی جانب سے لاہور ہائیکورٹ میں دائر درخواست میں مریم نواز اور وزارت داخلہ کو فریق بنایا گیا۔ نیب نے درخواست میں مؤقف اختیار کیا ہے کہ مریم نواز چودھری شوگر ملز منی لانڈرنگ کیس میں ضمانت پر ہیں، مریم نواز ضمانت پر رہا ہونے کے بعد مسلسل ریاستی اداروں پر حملے کر رہی ہیں، سوشل میڈیا کے ذریعے بھی ریاستی اداروں کے خلاف بیان بازی کی جا رہی ہے، مریم نواز ریاست مخالفت پراپیگنڈہ میں بھی مصروف ہیں۔

درخواست میں نکتہ اٹھایا گیا کہ مریم نواز کو دستاویزات کی طلبی کے لیے 10 جنوری 2020 کو نوٹس بھجوائے گئے، انہوں نے 10 جنوری 2020ء کے نیب کے نوٹسز پر کوئی توجہ دی نہ مطلوبہ ریکارڈ فراہم کیا، دستاویزات فراہم نہ کرنے پر 11 اگست 2020 کو مریم نواز کو ذاتی حیثیت میں طلب کیا گیا۔

نیب کی درخواست میں موقف اپنایا گیا کہ اگست 2020ء میں مریم نواز نے اپنی سیاسی طاقت کا استعمال کیا اور نیب آفس پر حملہ کروایا، لیگی کارکنوں نے پولیس اور نیب آفس پر پتھراؤ کیا جس کا مقدمہ علیحدہ سے درج کیا گیا، مریم نواز پیش نہ ہو کر نیب کی تحقیقات میں رکاوٹ ڈال رہی ہیں، مریم نواز عوام میں یہ تاثر دے رہی ہیں کہ ریاستی ادارے غیر فعال ہو چکے۔

نیب کی جانب سے درخواست میں مریم نواز کی چودھری شوگر ملز منی لانڈرنگ کیس میں ضمانت منسوخ کرنے کی استدعا کی گئی ہے۔