تازہ ترین
  • International :- بیروت:لبنان میں جنازےپرفائرنگ،5افرادہلاک،خبرایجنسی
  • International :- مرنےوالوں میں حزب اللہ کے 3ارکان بھی شامل،خبرایجنسی
  • International :- بیروت:فائرنگ مخالفین کی جانب سےکی گئی،خبرایجنسی

پی ڈی ایم قائم ہے اور رہے گی، نیب اپوزیشن کو دبانے کیلئے بنی تھی: شاہد خاقان عباسی

Published On 30 March,2021 10:03 am

اسلام آباد: (دنیا نیوز) شاہد خاقان عباسی نے کہا ہے کہ پی ڈی ایم قائم ہے اور رہے گی، نیب اپوزیشن کو دبانے کے لئے بنی تھی اور آج بھی وہی کام کر رہی ہے۔

سابق وزیراعظم شاہد خاقان عباسی نے اسلام آباد میں میڈیا سے گفتگو کرتے ہوئے کہا کہ سیاسی نظام کو دباؤ میں لایا جا رہا ہے، نیب کے اقدامات ملکی مفاد میں نہیں، براڈ شیٹ سکینڈل کی فائلیں غائب ہو رہی ہیں، کیمرے لگا کر عدالتی کارروائی عوام کو کیوں نہیں دکھاتے ؟ انہوں نے کہا کہ مہنگائی بڑھ رہی ہے، بے روزگاری میں اضافہ ہوا، ہم خیرات لے کر کورونا کا مقابلہ کر رہے ہیں، کسی بھی ملک میں کورونا ویکسین بیچنے کی اجازت نہیں، حکومت نے خود ویکسین نہیں خریدی، نجی شعبوں کو ویکسین منگوانے کی اجازت دے دی۔