تازہ ترین
  • بریکنگ :- روسی فورسزکےیوکرین پرحملوں میں اضافہ
  • بریکنگ :- روس نےڈونباس ریجن میں اسٹریٹجک شہرلائمن پرقبضہ کرلیا

کورونا کے وار برقرار، مزید 118 افراد جان سے گئے، ہلاکتیں 17 ہزار سے بڑھ گئیں

Published On 25 April,2021 09:28 am

اسلام آباد: (دنیا نیوز) کورونا وائرس مزید ایک سو اٹھارہ جانیں لے گیا ، ملک بھر میں ہلاکتوں کی تعداد سترہ ہزار ایک سو سترہ ہو گئی۔

 این سی او سی کے مطابق گذشتہ چوبیس گھنٹے کے دوران پانچ ہزار چھ سو گیارہ نئے کورونا مریضوں کا اضافہ ہوا، مثبت کیسز کی شرح دس اعشاریہ ایک سات فیصد ریکارڈ کی گئی ہے۔ ملک بھر میں 55 ہزار 128 کورونا ٹیسٹ کیے گئے، اب تک ایک کروڑ 15 لاکھ 38 ہزار 771 کورونا ٹیسٹ کیے جا چکے ہیں۔ کورونا سے متاثر 4826 مریضوں کی حالت تشویشناک ہے جبکہ ملک میں کورونا کے ایکٹو کیسز کی تعداد 88 ہزار 698 ہوگئی ہے۔

 صوبوں کی صورتحال دیکھی جائے تو پنجاب میں 2 لاکھ 88 ہزار 598 افراد کورونا سے متاثر ہیں، سندھ میں 2 لاکھ 77 ہزار 593 کیسز، خیبر پختونخوا ایک لاکھ 13 ہزار 121، بلوچستان میں 21 ہزار 618 کیس رپورٹ ہوئے ہیں۔ اسلام آباد 72 ہزار 981، گلگت بلتستان میں 5 ہزار 253 کیسز اور آزاد کشمیر میں کورونا مریضوں کی تعداد 16 ہزار 463 ہوگئی ہے۔

گذشتہ 24 گھنٹے میں کورونا کے 3324 مریض صحت یاب ہوئے ہیں جس کے بعد کورونا سے صحت یاب افراد کی مجموعی تعداد 6 لاکھ 89 ہزار 812 ہوگئی ہے۔