تازہ ترین
  • بریکنگ :- اے ایس ایف کی کراچی ایئرپورٹ پرکارروائی
  • بریکنگ :- کراچی:2 مسافروں سے 6 لاکھ 16 ہزاریوروبرآمد،اےایس ایف
  • بریکنگ :- کراچی:مسافروں نےرقم بیگ میں چھپارکھی تھی،اےایس ایف
  • بریکنگ :- کراچی:کرنسی ریکورکرکےمنی لانڈرنگ کی کوشش ناکام بنادی،ترجمان
  • بریکنگ :- کراچی:غیرملکی کرنسی کی مالیت 12کروڑ 15 لاکھ روپےہے،ترجمان

حکومت نے تسلیم کر لیا شہباز کیخلاف تمام نیب کیس جھوٹے تھے: مریم اورنگزیب

Published On 10 May,2021 06:44 pm

اسلام آباد: (دنیا نیوز) پاکستان مسلم لیگ ن کی ترجمان مریم اورنگزیب نے کہا ہے کہ حکومت نے تسلیم کر لیا کہ شہباز شریف کیخلاف تمام نیب کیس جھوٹے تھے۔

تفصیلات کے مطابق وفاقی وزیر اطلاعات فواد چودھری کی طرف سے ٹویٹر پر اعلان کیا گیا کہ حکومت نے فیصلہ کیا ہے کہ حدیبیہ پیپر ملز کی تفتیش نئے سے شروع کی جائے گی۔

اس بیان پر رد عمل دیتے ہوئے مسلم لیگ ن کی ترجمان مریم اورنگزیب نے کہا کہ حدیبیہ میں نئی تفتیش کے آغاز کا حکم دے کر عمران صاحب نے تسلیم کرلیا کہ شہبازشریف کے خلاف تمام نیب کیس جھوٹے تھے، ثابت ہوگیا کہ آشیانہ، صاف پانی، گندا نالہ،ملتان و لاہور میٹروز، آمدن سے زائد اثاثوں کے سب کیس صرف سیاسی انتقام تھا۔

یہ بھی پڑھیں: حکومت کی حدیبیہ پیپر ملز کی تفتیش نئے سرے سے شروع کرنیکی ہدایت

ان کا کہنا تھا کہ کمیشن خور”غیرقانونی ٹیم“ نے انہیں آٹا چینی، بجلی، گیس، ایل این جی، دوائی چوری پر کوئی بریفنگ دی؟ آٹا چینی بجلی گیس دوائی چوری پہ بریفنگ لیں جس کے مرکزی کردار عمران خان ہیں ، غیرقانونی ٹیم کیوں نہیں بتارہی کہ حدیبیہ ریفرنس کو سپریم کورٹ قانونی طورپر ختم کرچکی ہے،پینامہ پیپرز میں بھی جب نیب نے نواز شریف کے خلاف حدیبیہ پیپرز کو کھولنے کی درخواست کی تو نیند کا جھوٹ سُننے کے بعد کیس کو بند کیا۔

مریم اورنگزیب ن ےکہا کہ کرائے کے ترجمان کیوں نہیں بتاتے کہ ہائیکورٹ کی کواشمنٹ کے حکم پر نیب سپریم کورٹ گئی لیکن سپریم کورٹ نے بھی یہ فیصلہ برقرار رکھا، آپ کے جھوٹ اور احتساب کے تماشے آپ کے منہ پر طمانچے ہیں، خدا کا واسطہ ہے کہ عوام کی مہنگائی، بے روزگاری معاشی تباہی پر توجہ دیں، ڈرامے بند کریں، عوام کے صبر کو مزید مت للکاریں، اس طرح کی حرکتوں سے آپ عوام کو مزید غصہ دلارہے ہیں۔