تازہ ترین
  • بریکنگ :- دونوں خوراکیں نہ لگوانےوالوں کوبھی بیماری لگنےکازیادہ خدشہ ہے،عالمی ادارہ صحت
  • بریکنگ :- کوروناویکسین کی دونوں خوراکیں لگواناضروری ہیں،عالمی ادارہ صحت
  • بریکنگ :- ویکسین کی ایک خوراک لگوانےوالےکمزورافرادسفرسےگریزکریں،عالمی ادارہ صحت

امیر جماعت اسلامی سراج الحق کا اسرائیلی جارحیت کے خلاف احتجاج کا اعلان

Published On 16 May,2021 04:22 pm

لاہور: (دنیا نیوز) امیر جماعت اسلامی سراج الحق نے نہتے فلسطینیوں پر اسرائیلی جارحیت کے خلاف احتجاج کا اعلان کر دیا ہے۔ جمعہ 21 مئی کو ملک بھر میں احتجاجی مظاہرے ہونگے۔

سراج الحق نے قوم سے فلسطینوں کے حق کے لیے ہونے والے احتجاج میں شرکت کی اپیل کرتے ہوئے کہا ہے کہ فلسطین میں روزانہ انسانی المیہ جنم لے رہا ہے۔ اقوام متحدہ اور انسانی حقوق کے امریکی، یورپی علمبردار بہرے اور گونگے بنے ہوئے ہیں۔

امیر جماعت اسلامی نے کہا کہ امت مسلمہ کو مظلوم فلسطینی قوم کے ساتھ کھڑے ہو جانا چاہیے۔ مسلم حکمران کو بیانات اور ٹویٹ سے آگے بڑھنا ہوگا۔

ان کا کہنا تھا کہ مسلم ممالک غزہ کے شہریوں کی جان ومال عزت اور آبرو کے تحفظ کے لیے لائحہ عمل مرتب کریں۔ سراج الحق 21 مئی کو اسلام آباد میں بڑے احتجاجی مظاہرے کی قیادت کریں گے۔