تازہ ترین
  • بریکنگ :- میرےاسلام آبادگھرپرپولیس نے چھاپہ ماراہے،شیخ رشید
  • بریکنگ :- لال حویلی بھی سفیدکپڑوں میں ملبوس نفری بھیجی گئی،شیخ رشید
  • بریکنگ :- جیل اور ہتھکڑی سے گھبرانے والا نہیں ہوں ،شیخ رشید
  • بریکنگ :- مقابلے سے بھاگنےیاجیل سے گھبرانے والا نہیں ہوں ،شیخ رشید

آصف زرداری پیپلز پارٹی کو پنجاب میں مضبوط بنانے کیلئے سرگرم، اہم سیاستدانوں سے رابطے

Published On 21 June,2021 01:41 pm

لاہور: (دنیا نیوز) سابق صدر آصف علی زرداری پیپلز پارٹی کو پنجاب میں مضبوط بنانے کے لیے سرگرم ہو گئے، آئندہ انتخابات میں پیپلز پارٹی کی جیت کے لیے جنوبی پنجاب پر نظریں جما لیں، کئی اہم سیاستدانوں سے رابطے بھی کئے ہیں۔

ذرائع کے مطابق سابق صدر نے سابق گورنر پنجاب مخدوم احمد محمود کو جنوبی پنجاب میں پارٹی کو متحرک کرنے کی ہدایات دے دیں۔ سابق صدر نے مخدوم احمد محمود کو پی ٹی آئی سے مایوس جنوبی پنجاب کے لوگوں سے رابطوں کی ہدایت کر دی ہے جبکہ سابق صدر کے جنوبی پنجاب اور سنٹرل پنجاب کے اہم سیاستدانوں سے بھی رابطے ہوئے ہیں، رابطوں میں آصف علی زرداری کو سیاستدانوں کی جانب سے مثبت جواب دیا گیا۔

جہانگیر ترین گروپ کے کئی اہم رہنما بھی سابق صدر سے رابطوں میں ہیں ۔ ذرائع کے مطابق عام انتخابات سے قبل جہانگیر ترین گروپ کا بھی پیپلزپارٹی میں شمولیت کا قوی امکان ہے اور سابق صدر عام انتخابات سے قبل پنجاب پیپلز پارٹی کی تنظیم کو بھی عوامی سطح پر متحرک کریں گے۔