تازہ ترین
  • بریکنگ :- معاون خصوصی وزیراعظم نوابزادہ شاہ زین بگٹی کی میڈیاسےبات چیت
  • بریکنگ :- بلوچستان میں جوبھی ڈیلیورکرےاسےکام کرنےدیناچاہیے،شاہ زین بگٹی
  • بریکنگ :- بہاولپور:میراکام بلوچستان میں امن بحال رکھناہے،شاہ زین بگٹی
  • بریکنگ :- ناراض بلوچوں کومنانےکی بات چیت جاری ہے،شاہ زین بگٹی

شفقت محمود سے بلغارین سفیر کی ملاقات، شعبہ تعلیم کیلئے تعاون بڑھانے پر زور

Published On 12 July,2021 05:21 pm

اسلام آباد: (دنیا نیوز) وفاقی وزیر برائے تعلیم شفقت محمود سے بلغاریہ کی پاکستان میں تعینات سفیر ارینا گانشیوا نے ملاقات کی جس میں تعلیم اور ثقافت کے میدان میں دونوں ریاستوں کے مابین تعاون کی ضرورت کو مزید بڑھانے پر زور دیا گیا۔

وفاقی وزیر نے کہا کہ ہمارے تعلقات ہمیشہ اعتماد، باہمی مفاہمت اور قریبی تعاون کی نشاندہی کرتے رہے ہیں اور پاکستان بلغاریہ کے ساتھ اپنے تعلقات کو زیادہ اہمیت دیتا ہے اور باہمی مفادات کے تمام شعبوں میں ان تعلقات کو مزید بڑھانا چاہتا ہے۔

ملاقات کے دوران بلغاریہ کی سفیر ارینا گانشیوا نے کہا کہ تعلیم اور ثقافت سمیت مختلف شعبوں میں باہمی تعاون کی بہت گنجائش ہے۔ انہوں نے دونوں ممالک کے مابین لوگوں سے رابطے اور ثقافتی تبادلے کو بڑھانے اور فروغ دینے میں گہری دلچسپی کا بھی اظہار کیا۔