تازہ ترین
  • بریکنگ :- بلوچستان کے 32اضلاع میں بلدیاتی الیکشن،پولنگ جاری
  • بریکنگ :- کوئٹہ: پولنگ کاوقت 5 بجےختم ہوگا،ترجمان الیکشن کمیشن
  • بریکنگ :- 5بجےکےبعدپولنگ اسٹیشنزمیں موجودافرادووٹ ڈال سکیں گے،ترجمان

وزیراعظم عمران خان کا وعدہ تھا الیکشن کو شفاف بنائیں گے: شبلی فراز

Published On 17 August,2021 11:31 am

اسلام آباد: (دنیا نیوز) شبلی فراز نے کہا ہے کہ آج کا دن پاکستان کیلئے تاریخی دن ہے، وزیراعظم عمران خان کا وعدہ تھا کہ الیکشن کو شفاف بنائیں گے، ای وی ایم الیکشن کمیشن کے معیار پر پورا اترتی ہے۔

وفاقی وزیر سائنس اینڈ ٹیکنالوجی شبلی فراز نے الیکشن کمیشن آفس کے باہر میڈیا سے گفتگو کرتے ہوئے کہا کہ وزارت سائنس اینڈ ٹیکنالوجی نے ایسی مشین تیار کروائی جو الیکشن کمیشن کے معیار پر پورا اترتی ہے، پاکستان میں انتخابات ہمشہ تنازعات کا شکار ہوتے ہیں، پرانے طریقہ کار سے وہ نتائج حاصل نہیں ہوئے کہ شفافیت کو برقرار رکھا جاسکے، اس ٹیکنالوجی کا مقصد یہ ہے کہ الیکشن میں ہارنے والا ہار تسلیم کرے۔

شبلی فراز کا کہنا تھا کہ الیکٹرانک ووٹنگ مشین استعمال کے حساب سے بھی یوزر فرینڈلی مشین ہے، الیکشن کمیشن کا سٹاف بھی مشین کے پروسیس کو آسانی سے سمجھ سکے، الیکٹرانک ووٹنگ مشین کو ہیک کرنا ممکن نہیں ہے۔