کراچی: (دنیا نیوز) محکمہ موسمیات کے مطابق آج سندھ اور مشرقی بلوچستان میں تیز ہواؤں اور گرج چمک کے ساتھ بارش کا امکان ہے۔ جنوبی پنجاب، سیالکوٹ اور نارووال میں بھی بادل برسنے کی توقع ہے۔
موسم کا حال بتانے والوں نے آج کراچی، حیدر آباد، ٹھٹھہ میں بارش کی پیش گوئی کی ہے۔ لاڑکانہ، سکھر اور دیگر علاقوں میں بھی بادل برسنے کا امکان ہے۔ بلوچستان میں کوئٹہ، زیارت، ژوب میں بھی گرج چمک کے ساتھ بارش کی توقع ہے۔ بہاولپور، رحیم یار خان، سیالکوٹ میں تیز ہواؤں کے ساتھ بارش ہو سکتی ہے۔
