تازہ ترین
  • بریکنگ :- جسٹس عمرعطابندیال کی چیف جسٹس پاکستان تعیناتی کانوٹیفکیشن جاری
  • بریکنگ :- صدرمملکت کی منظوری کےبعدوزارت قانون وانصاف نےنوٹیفکیشن جاری کیا
  • بریکنگ :- جسٹس عمرعطابندیال 2 فروری کوچیف جسٹس کاعہدہ سنبھالیں گے
  • بریکنگ :- اسلام آباد:جسٹس عمرعطا بندیال سپریم کورٹ کے سینئرترین جج ہیں

پاکستان میں دوسرے ممالک کی نسبت مہنگائی کم ہے: وزیراعظم عمران خان

Published On 07 October,2021 06:56 pm

اسلام آباد: (دنیا نیوز) وزیراعظم عمران خان نے کہا ہے کہ پاکستان میں دوسرے ممالک کی نسبت کم مہنگائی ہے۔

وزیر اعظم کی زیر صدارت تحریک انصاف کور کمیٹی کا اجلاس ہوا، افغانستان کی صورتحال پر کور کمیٹی ارکان کو بریفنگ دی گئی۔

اجلاس کے دوران بریفنگ میں بتایا گیا کہ پاکستان افغانستان میں امن و استحکام کے لئے عالمی برادری کو ساتھ ملانے کی کوشش کررہا ہے، افغانستان میں انسانی ضروریات پوری کرنے کے لئے عالمی برادری کو آگے بڑھنا ہوگا۔

اجلاس کے دوران اوورسیز کو ووٹنگ کا حق دینے اور آئی ووٹنگ پر بریفنگ دی گئی۔ عمران خان کا کہنا تھا کہ اوورسیز ہاکستانیوں کو ووٹ کا حق ہرصورت دلوائیں گے۔

وزیراعظم کا کہنا تھا کہ پاکستان میں دوسرے ممالک کی نسبت کم مہنگائی ہے، پاکستان اشیائے خوردونوش کی قیمتوں میں کمی کے ساتھ مراعات اور سبسڈی بھی دے رہا ہے۔

عمران خان نے ترقیاتی منصوبوں پر کام بروقت مکمل کرنے کی ہدایت کرتے ہوئے کہا کہ آئندہ انتخابات ہر صورت الیکٹرونک ووٹنگ مشین سے ہوں گے۔ سیف اللہ نیازی اور عامر کیانی ایک بار پھر پنجاب کے دورے کریں۔

اجلاس کے دوران انہوں نے کہا کہ پارٹی ورکر، لیڈر، اتحادی اور قوم مذہبی جوش و جذبے سے عید میلادالنبی ﷺ منائے۔