تازہ ترین
  • بریکنگ :- زائدالعمرکھلاڑیوں کی شرکت،انڈر 13اور 16 کرکٹ ٹورنامنٹس معطل
  • بریکنگ :- لاہور:تمام کھلاڑیوں کابون ایج ٹیسٹنگ کاتیسرامرحلہ کرانےکافیصلہ
  • بریکنگ :- لاہور:انڈر 13اور 16 ٹورنامنٹس آئندہ ہفتےسےدوبارہ شروع ہوں گے

225 ارب کے مزید ٹیکس معاشی تباہی کا پیش خیمہ ثابت ہوں گے: شہباز شریف

Published On 08 October,2021 11:46 am

لاہور: (دنیا نیوز) شہباز شریف نے کہا ہے کہ 225 ارب کے مزید ٹیکس معاشی تباہی کا پیش خیمہ ثابت ہوں گے، عوام کو ہر روز ایک نئی تکلیف میں مبتلا کیا جا رہا ہے۔

پاکستان مسلم لیگ (ن) کے صدر اور قائد حزب اختلاف شہباز شریف نے اپنے بیان میں کہا ہے کہ کپاس ساڑھے پندرہ ہزار فی 40 کلو کی بلند ترین سطح پر ہے، برآمد کنندگان اور ملرز پہلے ہی پریشان بیٹھے ہیں، پالیسی ریٹ بڑھا کر حکومت پہلے ہی اپنے بجٹ پر یوٹرن لے چکی ہے، مہنگائی کا سورج غریبوں کا حلق خشک کر چکا ہے، ریلیف کے بجائے عوام کو ہر روز ایک نئی تکلیف میں مبتلا کیا جا رہا ہے، آئی ایم ایف کی عاقبت نااندیشانہ شرائط ماننے والے حکمران قوم کو خودکشی پر مجبور کر رہے ہیں۔

شہباز شریف کا کہنا تھا کہ آرڈیننس کے ذریعے بڑی قانونی ترامیم پارلیمنٹ پر عدم اعتماد اور غیر آئینی و غیر جمہوری رویہ ہے، یہ پارلیمنٹ ہی نہیں عدلیہ پر بھی حملہ ہے، حکومت نے خود کو بچا کر اداروں کی آئینی آزادی چھیننے کا قدم اٹھایا ہے، نیب کے پہلے سے متنازعہ قانون میں آرڈیننس کے ذریعے 18 بڑی ترامیم حکومت کا جوابدہی سے فرار ہے، سیاہ آرڈیننس ملک میں رہی سہی جمہوریت کا گلا گھونٹ کر شخصی حکمرانی قائم کرنے کی طرف قدم ہے، تمام سٹیک ہولڈرز کی مشاورت سے حکومتی اقدامات روکیں گے۔