تازہ ترین
  • بریکنگ :- امریکامیں مہنگائی کی لہر،کوروناسےمعیشت کی بہتری میں مشکلات
  • بریکنگ :- ملک میں مہنگائی میں مزیداضافےکاخدشہ ہے،سربراہ امریکی فیڈرل ریزرو
  • بریکنگ :- موجود ہ صورتحال میں شرح سود جلد بڑھانا پڑے گی، جیروم پاول

موجودہ حالات میں افراتفری کی سیاست کی کوئی گنجائش نہیں: وزیراعلیٰ عثمان بزدار

Published On 11 October,2021 12:03 pm

لاہور: (دنیا نیوز) وزیراعلیٰ عثمان بزدار نے کہا ہے کہ اپوزیشن کا ایجنڈا پاکستان کے مفادات سے متصادم ہے، موجودہ حالات میں افراتفری کی سیاست کی کوئی گنجائش نہیں۔

وزیراعلیٰ پنجاب عثمان بزدار سے پاکستان تحریک انصاف کے رہنما و سابق وفاقی وزیر چودھری نوریز شکور نے ملاقات کی۔ اس موقع پر عثمان بزدار کا کہنا تھا کہ منفی سیاست کرنے والوں کو عوام ہمیشہ کے لئے رد کر چکے ہیں، سابق حکومتوں نے نظام میں اتنا بگاڑ پیدا کیا، جس کا کوئی تصور نہیں کر سکتا۔

عثمان بزدار نے کہا کہ تنقید برائے تنقید کرنے والے مخصوص ایجنڈے پر چل رہے ہیں، 360 ارب روپے کے ڈسٹرکٹ ڈویلپمنٹ پیکیج سے پنجاب کا ہر ضلع ترقی کرے گا، ساہیوال سمیت ہر ضلع میں فلاح عامہ کے منصوبوں کو مقررہ مدت کے اندر مکمل کرنے کیلئے ہدایات جاری کر دی، ترقی کے سفر میں کسی کو رکاوٹ نہیں ڈالنے دیں گے۔