لاہور: (دنیا نیوز) شہباز شریف نے پرویز ملک مرحوم کو خراج عقیدت پیش کرتے ہوئے کہا کہ میرے دوست، میرے ساتھی الوداع، پرویز ملک خوبصورت انسان، بھروسہ مند ساتھی اور سچے پارٹی لیڈر تھے، خدا آپ کی آنے والی منزلیں آسان کرے۔
اپوزیشن لیڈر میاں شہباز شریف نے سماجی رابطے کی ویب سائٹ پر ٹویٹ کرتے ہوئے کہا لکھا کہ پرویز ملک پوری سیاسی زندگی میاں نواز شریف کے ساتھ کھڑے رہے، خدا آپ کی آنے والی منزلیں آسان کرے، خدا آپ کو اپنی رحمت میں رکھے، آمین۔
Bid Pervez Malik a goodbye. An amazing human being, a trusted colleague and a loyal party leader, he stood by Nawaz Sharif all his life, no matter what. Farewell my friend. May Allah be kind to you! pic.twitter.com/GirvdJxlgA
— Shehbaz Sharif (@CMShehbaz) October 12, 2021
ادھر مسلم لیگ ن کے سینئر رہنما پرویز ملک کو میانی صاحب قبرستان میں سپرد خاک کر دیا گیا۔ نماز جنازہ میں چیف جسٹس لاہور ہائی کورٹ امیر محمد بھٹی، سپریم کورٹ کے سینئر ترین جج عمر عطا بندیال، سابق گورنر لطیف کھوسہ، زعیم قادری، لیاقت بلوچ، فرید پراچہ، شہبازشریف، خواجہ آصف، راناثنااللہ، رانا تنویر اور احسن اقبال سمیت سول سوسائٹی کی اہم شخصیات اور کارکنوں کی بڑی تعداد نے شرکت کی۔
یاد رہے پاکستان مسلم لیگ نون کے سینئر رہنما پرویز ملک گذشتہ روز دل کا دورہ پڑنے سے وفات پا گئے تھے۔