تازہ ترین
  • بریکنگ :- کوروناایس اوپیزپرعمل کرائیں گے،وزیراعظم عمران خان
  • بریکنگ :- کوروناسےبچےتوعالمی سطح پرمہنگائی ہوئی،وزیراعظم
  • بریکنگ :- ہم نے تمام کرائسزکامقابلہ کیا،وزیراعظم عمران خان
  • بریکنگ :- ہم نے 8ہزارارب ٹیکس اکٹھاکرنےکااعلان کیاتومذاق اڑایاگیا،وزیراعظم
  • بریکنگ :- اس وقت 6ہزارارب ٹیکس اکٹھا کرچکےہیں،وزیراعظم
  • بریکنگ :- 8ہزارارب روپےکےٹیکس ہدف سےآگےنکلیں گے،وزیراعظم
  • بریکنگ :- یہ نہیں ہوسکتا22 کروڑمیں سے 20لاکھ لوگ ٹیکس دیں،وزیراعظم
  • بریکنگ :- سب کوٹیکس دینا ہوگا،وزیراعظم عمران خان
  • بریکنگ :- گندم،چینی،مکئی اورچاول کی ریکارڈ پیداوارہوئی،وزیراعظم
  • بریکنگ :- عالمی سطح پرمہنگائی ہوئی ہے،وزیراعظم عمران خان
  • بریکنگ :- ملکی تاریخ میں موٹرسائیکل،گاڑیوں اورموبائل کی ریکارڈفروخت ہوئی،وزیراعظم
  • بریکنگ :- مشکلات ہیں، آنےوالےدنوں میں بہتری آئے گی،وزیراعظم

پٹرول پر فی لٹرکتنا ٹیکس وصول کیا جا رہا ہے، سندھ ہائیکورٹ

Published On 12 October,2021 03:26 pm

کراچی (روزنامہ دنیا) سندھ ہائی کورٹ نے پٹرول کی قیمتوں میں اضافے کے خلاف درخواستوں پر وفاقی حکومت سے تفصیلی جواب طلب کر لیا۔ پیر کو عدالت عالیہ میں سماعت ہوئی۔ عدالت نے پٹرولیم مصنوعات میں اضافے کے خلاف وفاقی حکومت سے 25 اکتوبر تک تفصیلی جواب طلب کر لیا۔

عدالت نے ریمارکس میں کہا کہ پٹرولیم مصنوعات کی قیمتوں میں اضافے کا کیا فارمولا ہے؟ پٹرول پر فی لٹر کتنا ٹیکس وصول کیا جا رہا ہے۔ پٹرولیم مصنوعات میں اضافے کے لیے کون سے اسباب زیر غور لائے جاتے ہیں۔ عدالت نے درخواست کی مزید سماعت 25 اکتوبر تک ملتوی کر دی۔

درخواست گزاروں نے یکم جون 2019 ء سے پٹرولیم مصنوعات میں اضافے کے خلاف درخواستیں دائر کر رکھی ہیں۔

یاد رہے کہ وفاقی حکومت نے یکم اکتوبر کو پیٹرولیم مصنوعات کی قیمتوں میں ایک مرتبہ پھر اضافہ کرتے ہوئے پیٹرول مزید 4 روپے مہنگا کردیا تھا۔

نوٹیفکیشن کے مطابق پیٹرول کی فی لیٹر قیمت میں 4 روپے کا اضافہ کردیا گیا ہے اور نئی قیمت 127 روپے 30 پیسے ہوچکی ہے۔

ہائی اسپیڈ ڈیزل کی قیمت میں 2 روپے، کیروسین کی قیمت میں 7 روپے 5 پیسے اور لائٹ ڈیزل کی فی لیٹر قیمت میں 8 روپے 82 پیسے کا اضافہ کیا جا چکا ہے۔

پیٹرولیم مصنوعات کی قیمتوں میں اضافے کے بعد ہائی اسپیڈ ڈیزل کی نئی قیمت فی لیٹر 122 روپے 4 پیسے، کیروسین کی نئی قیمت فی لیٹر 99 روپے 31 پیسے اور لائٹ ڈیزل کی فی لیٹر نئی قیمت 99 روپے 51 پیسے ہو چکی ہے۔

یاد رہے کہ حکومت نے 15 ستمبر کو بھی پیٹرول کی قیمت میں 5 اور دیگر پیٹرولیم مصنوعات کی فی لیٹر قیمت میں 5 روپے سے زائد کا اضافہ کردیا تھا۔