تازہ ترین
  • بریکنگ :- مفتاح اسماعیل نےبتایاآئی ایم ایف سے 2 ارب ڈالرمل جائیں گے،وزیراعظم
  • بریکنگ :- خودانحصاری ہی قوم کی سیاسی،معاشی آزادی کی ضمانت ہے،وزیراعظم
  • بریکنگ :- فیصلوں پرمشاورت جمہوری عمل ہے،وزیراعظم
  • بریکنگ :- بنگلادیش میں 6 ارب ڈالرکی لاگت سےبڑاانفرااسٹرکچربنایاگیا،وزیراعظم
  • بریکنگ :- پاکستان میں وسائل اورہنرمندلوگوں کی کمی نہیں،وزیراعظم
  • بریکنگ :- ریکوڈک میں اربوں روپےکاخزانہ دفن ہے،وزیراعظم
  • بریکنگ :- ابھی تک ہم نےایک دھیلہ نہیں کمایامگراربوں روپےضائع ہوگئے،وزیراعظم
  • بریکنگ :- مقدمات کی مدمیں ہم نےاربوں روپےضائع کیے،وزیراعظم

وزیراعلیٰ پنجاب کا چینی کے نرخ میں استحکام لانے کیلئے موثر اقدامات کا حکم

Published On 08 November,2021 12:27 pm

لاہور: (دنیا نیوز) وزیراعلیٰ عثمان بزدار نے پرائس کنٹرول کمیٹی اور صوبائی انتظامیہ کو چینی کے نرخ میں استحکام لانے کے لئے موثر اقدامات کا حکم دے دیا۔ انہوں نے کہا کہ سرکاری نرخ سے زائد پر چینی بیچنے والوں کے خلاف کارروائی جاری رکھی جائے۔

وزیراعلیٰ پنجاب عثمان بزدار کا کہنا تھا کہ انتظامی افسران دفتروں سے نکل کر مارکیٹوں اور بازاروں کے دورے کریں، چینی کے ریٹ کو مانیٹر کیا جائے اور ذخیرہ اندوزوں کے خلاف کریک ڈاؤن جاری رکھا جائے، حکومت چینی کی دستیابی او رمقررہ نرخ پر فروخت یقینی بنانے کیلئے ہر ممکن اقدام کر رہی ہے، صارفین کے حقوق کا تحفظ حکومت کی بنیادی ذمہ داری ہے۔

عثمان بزدار کا کہنا تھا کہ ناجائز منافع کی آڑ میں عام آدمی کا استحصال نہیں ہونے دیں گے، مافیا کی سرکوبی کے لئے ہر ممکن انتظامی اقدام اٹھایا جا رہا ہے، چینی کی قیمت میں بلا جواز اضافہ کسی صورت برداشت نہیں کیا جائے گا، صوبے کے عوام کا مفاد بے حد عزیز ہے، کسی کو من مانی نہیں کرنے دیں گے، چینی کی قیمت میں بلاجواز اضافہ روکنے کیلئے ہر آپشن استعمال کیا جائے گا۔

وزیراعلیٰ پنجاب نے مزید کہا کہ پنجاب میں چینی کی کوئی قلت نہیں، وافر ذخائر موجود ہیں، چینی کی قیمت میں اضافے اور ذخیرہ اندوزی کو ہرگز برداشت نہیں کیا جائے گا۔