اسلام آباد: (دنیا نیوز) فرخ حبیب نے کہا ہے کہ ای وی ایم کے ذریعے صاف شفاف انتخابات کی بنیاد رکھی جائے گی۔
وفاقی وزیر مملکت اطلاعات فرخ حبیب نے سماجی رابطے کی ویب سائٹ پر ٹویٹ کرتے ہوئے کہا کہ آج ای وی ایم، بیرون ملک پاکستانیوں کی ووٹنگ کے حوالے سے قانون سازی مکمل ہو جائے گی، ٹھپہ مافیا کا راستہ ہمیشہ کیلئے بند ہو جائے گا۔
دوسری جانب وزیر سائنس و ٹیکنالوجی شبلی فراز نے میڈیا سے گفتگو کرتے ہوئے کہا کہ مشین کے نہ احساسات ہوتے نہ ہی کسی سے وابستگی، حکومت متنازعہ انخابات کو شفاف بنانا چاہتی ہے، حکومت جمہوریت کی بالا دستی پر یقین رکھتی ہے۔
شبلی فراز کا کہنا تھا کہ چاہتے ہیں وہ لوگ ایوان میں آئیں جنہیں عوام منتخب کرے، انتخابات میں سب سے بڑے سٹیک ہولڈر عوام ہیں، عوام نے ہمیں مینڈیٹ دیا ہے، آج کے دن عوام، جمہوریت کی فتح ہوگی۔
